लसीकरणामुळे जनजीवन पुन्हा सुरळीत सुरु होईल : प्रविण दरेकर
लसीकरणामुळे विस्कळीत झालेले जनजीवन पुन्हा सुरळीत सुरु होईल असा विश्वास दरेकरांनी व्यक्त केला. (Pravin Darekar On Corona ‘massive’ vaccination drive)
मुंबई : जगातील सर्वात मोठ्या लसीकरण मोहिमेला आजपासून सुरुवात झाली आहे. पंतप्रधान नरेंद्र मोदी यांनी लसीकरणाचा शुभारंभ केला. यानंतर मुंबई शहरात महापालिकेच्यावतीनं लसीकरणाला सुरुवात झाली. या पार्श्वभूमीवर विधानपरिषद विरोधी पक्षनेते प्रविण दरेकर यांनी आज कांदिवली पश्चिम येथील डॅा. बाबासाहेब आंबेडकर रूग्णालयात सुरू असलेल्या कोरोना लसीकरण मोहिमेच्या ठिकाणी भेट दिली. या लसीकरणामुळे विस्कळीत झालेले जनजीवन पुन्हा सुरळीत सुरु होईल असा विश्वास दरेकरांनी व्यक्त केला. (Pravin Darekar On Corona ‘massive’ vaccination drive)
राज्यातील लसीकरणाचा शुभारंभ मुख्यमंत्री उद्धव ठाकरे यांच्या हस्ते करण्यात आला पहिल्या टप्प्यात कोरोना योध्दा असलेले पालिका कर्मचारी, रूग्णालयातील अधिकारी कर्मचारी यांना लस देण्यात येणार आहे. आजपासून कांदिवली पश्चिम येथील डॉ. बाबासाहेब आंबेडकर रूग्णालयात मोफत लसीकरण मोहिम सुरू करण्यात आली आहे. याची महापालिकेकडून उत्तम सोय करण्यात आली आहे, असे दरेकर यांनी सांगितले.
मागील जवळपास १० महिन्यांपासून आपण कोरोनाशी लढा देतोय. याकाळात सर्वांनी खूप हिंमत दाखवली. केंद्र सरकार आणि मा. पंतप्रधान @narendramodi साहेबांच्या नेतृत्वाखाली भारताने कोरोना विरुद्धचा हा लढा आता लसीकरण सुरू करण्यापर्यंत आणून पोहोचवला आहे.#largestVaccinationdrive pic.twitter.com/hYMXah5mtx
— Pravin Darekar – प्रविण दरेकर (@mipravindarekar) January 16, 2021
रुग्णालयाचे अधिष्ठाता किंवा सहाय्यक आयुक्त कुराडे यानी एक चांगली यंत्रणा राबवली आहे. लसीकरण रूग्णालयात तपासणी केंद्र, नोंदणी केंद्र, प्रतिक्षा कक्ष यांची सर्व ठिकाणी चांगली व्यवस्था करण्यात आली आहे. या सर्व गोष्टींचे उत्तम नियोजन केल्याबद्दल व्यवस्थापनेच्या अधिकाऱ्यांचे दरेकरांनी कौतुक केले.
या लसीकरणामुळे मंबईकर जनतेच्या मनात एक प्रकारची भीती होती ती जाऊन आता पुन्हा आत्मविश्वास निर्माण झाला आहे. त्यामुळे आता विस्कळीत झालेले जनजीवन पुन्हा सुरळीत सुरु होईल, असा विश्वास दरेकर यांनी व्यक्त केला.
पंतप्रधान @narendramodi साहेबांनी लसीकरणाचा शुभारंभ केल्यानंतर कांदिवली(प) येथील डॉ. बाबासाहेब आंबेडकर रूग्णालयात सुरू असलेल्या कोविड-१९ लसीकरण मोहिमेच्या ठिकाणी भेट देऊन त्याबाबत माहिती घेतली.@BJP4India @BJP4Maharashtra#LargestVaccineDrive pic.twitter.com/7SKNfz9CIv
— Pravin Darekar – प्रविण दरेकर (@mipravindarekar) January 16, 2021
(Pravin Darekar On Corona ‘massive’ vaccination drive)
संबंधित बातम्या :
Corona Vaccination live : कोरोना लसीकरणात राजकारण नको, मुख्यमंत्री उद्धव ठाकरेंचे आवाहन
