परदेशी सिगारेटने भरलेला ४० फुटांचा कंटेनर, कोट्यवधींचा मुद्देमाल जप्त, मुंबई डीआरआयची मोठी कारवाई

ब्रिजभान जैसवार, प्रतिनिधी, मुंबई : न्हावा शेवा बंदरात अवैध वाहतूक करणाऱ्या एका संशयास्पद कंटेनरवर नजर होती. हा कंटेनर अर्शिया फ्री ट्रेड वेअरहाऊसिंग झोनमध्ये ट्रान्स-शिप केला जाणार होता. या कंटेनरच्या हालचालींवर डीआरआयच्या अधिकाऱ्यांनी पाळत ठेवली. कंटेनरनं बंदर सोडल्यानंतर लोकेशन चेंज केलं. एका खाजगी गोडाऊनमध्ये वळवण्यात आला. कोट्यवधींचे परदेशी सिगारेट जप्त करण्यात आले आहे. डीआरआय म्हणजे महसूल गुप्तचर संचालनालय मुंबई यांनी ही कारवाई केली. यामुळे तस्करी करणाऱ्यांचे चांगलेच धाबे दणादणे आहेत.

सिगारेटने भरलेला ४० फूट कंटेनर

डीआरआय अधिकाऱ्यांनी तातडीनं गोदाम गाठलं. 40 फूट कंटेनर विदेशी सिगारेटने भरलेला सापडला. कस्टम अधिकाऱ्यांना चकवा देण्यासाठी त्या सिगारेट्स कंटेनरमधून काढून टाकण्यात आल्या. मात्र कंटेनर अर्शिया एफटीझेडमध्ये नेण्यापूर्वी सिगारेट काढून टाकल्यानंतर कंटेनरमध्ये भरलेल्या घोषित मालाचा गोदामात आधीच साठा होता.

१३ लाख सिगारेटचा आणखी एक साठा

आयात केलेल्या कंटेनरमधून एस, डनहील, मोंड आणि गुंडांग गरम ब्रँडच्या विदेशी मूळ सिगारेटच्या एकूण 1 कोटी 7 लाख काठ्या जप्त करण्यात आल्या. त्‍याच्‍या पाठपुराव्यात त्‍याच्‍या गोदामातून त्‍यापूर्वी तस्‍करी करण्‍यात आलेल्‍या इज, मोंड यांच्‍या विविध ब्रँडच्‍या विदेशी उत्‍पत्तिच्‍या 13 लाख सिगारेटचा आणखी एक साठा जप्‍त करण्‍यात आलाय.

२४ कोटींचा मुद्देमाल जप्त

एकूण 1 कोटी 2 लाख विदेशी सिगारेटच्या स्टिक्सचे अंदाजे बाजार मूल्य अंदाजे 24 कोटी रुपये मुद्देमाल डीआरआयने जप्त केले. आयातदारासह पाच जणांना आतापर्यंत अटक करण्यात आली. डीआरआय अधिक तपास करत आहे.

अशाप्रकारची तस्करी केली जाते. यावर नियंत्रण ठेवण्यासाठी यंत्रणा आहे. पण, यंत्रणा तोकडी असल्यामुळे तस्करांचे फावते. परंतु, माहिती मिळाल्यास डीआरए कारवाई करते. लाखो रुपये कस्टम वाचवण्याचे काम या माध्यमातून केले जाते. कधी-कधी असे तस्कर सापडतात, तेव्हा त्यांचा चांगलेच महागात पडते. आता मालही जप्त झाला. आणि तस्करी करणारे काही जणांना अटकही झाली आहे.