Photo : कुर्ल्यात इमारत कोसळली, मंत्री आदित्य ठाकरेंकडून पाहणी, पाहा फोटो…
Aditya Thackeray : आदित्य यांनी दुर्घटनाग्रस्त कुटुंबांचं सांत्वन केलं.
मुंबईतील कुर्ला पूर्व येथील शिवसूष्टी रोड या ठिकाणी एक चार मजली इमारत कोसळली.
नेहरु नगर इथं असलेली ही एक चार मजली इमारत सोमवारी रात्री उशिरा कोसळली.
इमारत कोसळून अनेकजण खाली दबले गेले होते. या इमारतीमध्ये 20-25 जण राहत असल्याची माहिती मिळतेय. त्यापैकी 15-18 जणांना वाचवण्यात आलंय.तर या अपघातात एकाचा मृत्यू झाला आहे.
ही इमारत जुनी असल्याची माहिती मिळतेय. महानगरपालिकेतर्फे ही इमारत खाली करण्याची नोटीस दिली गेली होती. तरिही काही कुटुंब याठिकाणी राहत होती. घटनास्थळी अग्निशमन दलाकडून बचावकार्य केलं गेलं.
जेसीबीच्या मदतीने इमारतीचा कोसळलेला मलबा हटवून खाली अडकलेल्यांना बाहेर काढण्यात आलं.
आदित्य ठाकरे यांनी या ठिकाणी जात पाहणी केली. तसंच बचावकार्य वेगात व्हावं, अश्या सूचना दिल्या.
तसंच आदित्य यांनी दुर्घटनाग्रस्त कुटुंबांचं सांत्वन केलं. त्यांना खचू नका, सरकार पाठिशी आहे, असं म्हणत धीर दिला.