महापौर किशोरी पेडणेकर यांची तब्येत अचानक बिघडली; छातीत दुखू लागल्याने रुग्णालयात दाखल

मुंबईच्या महापौर किशोरी पेडणेकर यांची प्रकृती अचानक बिघडली आहे. छातीत दुखू लागल्याने त्यांना तात्काळ रुग्णालयात दाखल करण्यात आलं आहे. (Mayor Kishori Pednekar)

किशोरी पेडणेकर, महापौर,मुंबई

Reporter Vinayak Davrung | Edited By: भीमराव गवळी | Updated on: Jul 18, 2021 | 5:17 PM

मुंबई: मुंबईच्या महापौर किशोरी पेडणेकर यांची प्रकृती अचानक बिघडली आहे. छातीत दुखू लागल्याने त्यांना तात्काळ रुग्णालयात दाखल करण्यात आलं आहे. महापौरांच्या कार्यालयातून तशी माहिती देण्यात आली आहे. (Mumbai Mayor Kishori Pednekar admitted to hospital due to chest pain: BMC)

किशोरी पेडणेकर यांना काल रात्रीपासूनच त्रास होत होता. छातीत दुखू लागल्याची तक्रार त्यांनी केली होती. मात्र, हा त्रास अधिक वाढल्याने आज सकाळी त्यांना ग्लोबल रुग्णालयात दाखल करण्यात आलं. त्यांना रुग्णालयात दाखल करताच तातडीने विविध चाचण्या करण्यात आल्या. डॉक्टरांचं एक पथक त्यांच्यावर उपचार करत आहे. त्यांची प्रकृती स्थिर असल्याचं वैद्यकीय सूत्रांनी सांगितलं. मात्र, त्यांना नेमका काय त्रास होत आहे आणि त्यांना कधीपर्यंत डिस्चार्ज होईल याबाबतची माहिती देण्यात आलेली नाही.

अॅक्टिव्ह महापौर

महापौर किशोरी पेडणेकर या सर्वात अॅक्टिव्ह महापौर म्हणून ओळखल्या जातात. कोविड संकट काळात त्यांनी स्वत: रुग्णालयांना भेटी देऊन रुग्णालयीन व्यवस्थेची पाहणी केली होती. स्वत: नर्स असल्याने त्यांनी रुग्णांची सेवा करण्याची तयारीही दर्शवली होती. तसेच अनेक बैठका घेऊन आणि तातडीने उपाययोजना करून त्यांनी मुंबईतील कोरोना संख्या नियंत्रणात आणली. डॉक्टरांचं मनोबल उंचावण्यापासून ते रुग्णांच्या भेटीगाठी घेण्यासह अधिकाऱ्यांशी संवाद साधण्याचं कामही त्यांनी या काळात केलं आहे. मुंबईत कोणतीही घटना घडल्यास पेडणेकर स्वत: त्या ठिकाणी हजर असतात. कामाची व्यस्तता, सततची धावपळ आणि दगदग यामुळेही त्यांची प्रकृती बिघडली असावी असं सांगण्यात येतं. (Mumbai Mayor Kishori Pednekar admitted to hospital due to chest pain: BMC)

TOP 9 News | टॉप 9 न्यूज | 11 AM | 18 July 2021#Mumbainews #mumbaifloods #MumbaiRainUpdate https://t.co/rDRSrJplMe

— TV9 Marathi (@TV9Marathi) July 18, 2021