Mumbai Corona : मुंबईत सर्वाधिक रुग्ण वाढ, तिसऱ्या लाटेचं संकट? रुग्ण नेमके कुठं वाढले, BMC नं दिली माहिती

अबब..! उंदीर मारण्यासाठी मुंबई पालिकेने केले 1 कोटी खर्च

मुंबई: महाराष्ट्रात शुक्रवारी 8067 नव्या कोरोना रुग्णांची (Maharashtra Corona Omicron News live) नोंद झाली. सर्वाधिक रुग्णांची संख्या मुंबईत आढळून आली आहे. मुंबईत 5428 रुग्ण आढळून आले आहेत.मुंबईतल्या (Mumbai Corona Update) रुग्णसंख्येचा अभ्यास केला असता बहुतांश रुग्ण हे उच्चभ्रू इमारती आणि वस्तीमधील असल्याचं समोर आलंय. आरोग्य विभागकडून ही माहिती देण्यात आलीय. ए विभागातील कुलाबा-फोर्ट, डी विभागातील ग्रॅण्ट रोड-गिरगाव परिसर, अंधेरी पूर्व पश्चिम. आणि वांद्रे पूर्व पश्चिम भागातील रुग्णसंख्या मोठ्या प्रमाणावर असल्याचं समोर आलंय.

महापालिकेकडून काळजी घेण्याचं आवाहन

कोरोनाच्या दुसऱ्या लाटेनंतर मुंबईतील रुग्णसंख्या 100 पर्यंत खाली आली होती. मात्र, गेल्या काही दिवसांमध्ये रुग्णसंख्या मोठ्या प्रमाणावर वाढू लागलीय. मुंबईतील रुग्णसंख्येनं 5 हजारांचा टप्पा देखील पार केलाय. मुंबईतल्या उच्चभ्रू वस्ती आणि इमारतीमधील रुग्णांची संख्या मोठ्या प्रमाणावर आहे. परदेशातून केलेला प्रवास, बैठका आणि सार्वजनिक कार्यक्रमांना उपस्थित राहिल्यानं कोरोना रुग्णांची संख्या वाढल्याच समोर आलं आहे.

मुंबईतील गेल्या काही दिवसातील रुग्णसंख्या

31 डिसेंबर – 5428
30 डिसेंबर – 3671
29 डिसेंबर – 2510
28 डिसेंबर – 1377
27 डिसेंबर – 809
26 डिसेंबर – 922
25 डिसेंबर – 757
24 डिसेंबर – 683
23 डिसेंबर – 602
22 डिसेंबर – 490
21 डिसेंबर – 327

कुलाबा-फोर्ट, डी विभागातील ग्रॅण्ट रोड-गिरगाव परिसर, अंधेरी पूर्व पश्चिम. आणि वांद्रे पूर्व पश्चिम भागातील रुग्णसंख्येत 10 पट वाढ झाल्याचं समोर आलंय.

संसर्ग टाळण्यासाठी खबरदारी घेण्याचं आवाहन

कोरोना रुग्णसंख्या वाढलेल्या इमारतींमध्ये कामासाठी येणाऱ्या घरकामगार, चालक आणि वॉचमन यांची कोरोना चाचणी करण्यात यावी, असं आवाहन करण्यात आलंय. एखाद्या व्यक्तीचा अहवाल बाधित आल्यास त्याला क्वारंटाईन करावं. दिवसातून चार ते पाच वेळा सॅनिटायझेशन करावं. सार्वजनिक गर्दीच्या कार्यक्रमांना टाळावं, असं आवाहन करण्यात आलं आहे.

महाराष्ट्रातील ओमिक्रॉन बाधितांची संख्या 454 वर

महाराष्ट्रात ओमिक्रॉन वेरियंटचे रुग्ण वाढत असल्याचं समोर आलं आहे. महाराष्ट्रातील ओमिक्रॉन बाधितांची संख्या 454 वर पोहोचली आहे. सकाळपर्यंतच्या माहितीनुसार 157 रुग्ण ओमिक्रॉन संसर्गातून बरे झाले आहेत.

इतर बातम्या:

Mumbai New Year | अनुचित प्रकार घडू नये म्हणून मुंबई पोलीस सतर्क, दिंडोशी भागात ड्रिंक अँड ड्राईव्हचे एकही प्रकरण नाही

Mumbai Corona Update : मुंबईकरांची झोप उडणार? एका दिवसात कोरोनाचे तब्बल 5 हजार 428 नवे रुग्ण! ओमिक्रॉनबाबत मात्र दिलासा

Mumbai record highest corona cases in last few days BMC gave information high profile areas in mumbai witness corona cases hike