Sanjay Raut Vs Bjp : राणे म्हणाले राऊत राष्ट्रवादीचे, तर राऊतही म्हणाले होय मी राष्ट्रवादी !
संजय राऊत पूर्ण राष्ट्रवीदचे आहेत. असा आरोप राणेंनी केला आहे. त्याला आता संजय राऊतांनीही लगेच जोरदार प्रत्युत्तर दिले आहे. होय मी राष्ट्रवादी आहे, मी प्रचंड राष्ट्रवादी आहे. माझा डोळा मुख्यमंत्री पदाच्या खुर्चीवर नाही तर शिवसेनेच्या प्रसारावर आहे, असे उत्तर दिले आहे.
मुंबई : काही वेळापूर्वीच केंद्रीय मंत्री आणि भाजप नेते नारायण राणेंची (Narayan Rane) ताबडतोब पत्रकार परिषद पार पडली. यावेळी त्यांनी संजय राऊतांची (Sanjay Raut) कुंडलीच माडल्याचा दावा केला. संजय राऊत हे बाळासाहेब (Balasaheb Thackeray) आणि उद्धव ठाकरे यांच्याविषयी अत्यंत घाणेरडे बोलले आहेत. बाळासाहेबांनी इशारा केला असता तर संजय राऊत राहिलेही नसते. अशी घणाघाती टीका केली. तसेच संजय राऊतांचा डोळा उद्धव ठाकरेंच्या मुख्यमंत्रीपदाच्या खुर्चीवर आहे. यांनी राष्ट्रवादीकडून सुपारी घेतली आहे. संजय राऊत पूर्ण राष्ट्रवीदचे आहेत. असा आरोप राणेंनी केला आहे. त्याला आता संजय राऊतांनीही लगेच जोरदार प्रत्युत्तर दिले आहे. होय मी राष्ट्रवादी आहे, मी प्रचंड राष्ट्रवादी आहे. माझा डोळा मुख्यमंत्री पदाच्या खुर्चीवर नाही तर शिवसेनेच्या प्रसारावर आहे. शिवसेनेचा प्रसार जोरात होत आहे. येत्या लोकसभेपर्यंत शिवसेनेचा एवढा विस्तार होईल की शिवसेना दिल्लीच्या तख्तापर्यंत पोहोचेल, असे संजय राऊत म्हणाले आहेत.
भाजपवाले बेरोजगार होतील-राऊत
एवढच नाही तर 2024 च्या निवडणुकीनंतर भाजपमधील अनेकजण बरोजगार झालेले असतील, असा टोलाही राणेंना राऊतांनी लगावला आहे. तर राणेंवर कोकणातल्या दुसऱ्या राऊतांनीही जोरदार प्रहार चढवला आहे. नारायण राणेंची पत्रकार परिषद संपल्या संपल्या शिवसेना खासदार विनायक राऊत यांनी पत्रकार परिषद घेत राणेंचा समाचार घेतलाय. त्यांनी नारायण राणे यांनी मोदी आणि भाजपवर टीका केल्याच्या व्हिडिओंची मालिकाच मीडियासमोर मांडली आहे. फक्त नारायण राणेच नाही तर त्यांनी नितेश राणे यांचाही समाचार घेतला आहे. नितेश राणे यांनी आरएसएसवर केलेली टीकाही त्यांनी दाखवली आहे. त्यामुळे राज्याच्या राजकारणात पुन्हा एकदा लाव रे तो व्हिडिओ पॅटर्न सक्रिय झाला आहे.
राणेंची नेता होण्याची लायकी नाही-राऊत
विनायक राऊत फक्त राणेंवर बोलून थांबले नाहीत तर त्यांनी किरीट सोमय्या यांचाही समाचार घेतला आहे. किरीट सोमय्या यांनी राणेंवर केलेले भ्रष्टाचाराचे आरोपही व्हिडिओच्या माध्यामातून विनायक राऊत यांनी दाखवले आहेत. राणेंवर आरोप झाल्यानंतर राणे चोर दाराने पळून दिल्लीला गेले. आणि दिल्लीत जाऊन भाजपच्या बड्या नेत्यांचे पाय धरले असा घणाघात त्यांनी केला आहे. बाळासाहेब ठाकरे यांचा दाखल देत शिवसेनेने नारायण राणे यांना मुख्यमंत्री केले असले तरी त्यांना कधीही बाळासाहेब ठाकरे यांनी शिवसेनेचा नेता म्हटले नाही असे सांगत नेता होण्याची त्यांची लायकी नाही म्हणत पत्रकार परिषदेत राणे कुंटुंबीयांवर टीका केली आहे. त्यामुळे राज्यात सध्या पत्राकर परिषदांचा सपाटा दिसून येत आहे.
Video| तर कदाचित तू नसतास, नारायण राणेंचे राऊतांवर गंभीर आरोप, कुंडली मांडण्याची धमकी