नाशिकमध्ये 79 नवे रुग्ण, एकट्या मालेगावात बाधितांची संख्या 300 वर, तर जिल्ह्यात कोरोनाचे 463 रुग्ण

नाशिक : राज्यात कोरोनाबाधितांच्या संख्येत सातत्याने वाढ होत (Nashik District Corona Positive Update) आहे. नाशिकमध्येही कोरोना विषाणूने हाहाकार पाहायला मिळत आहे. नाशिक जिल्ह्यात एका रात्रीत 79 जणांचे रिपोर्ट कोरोना पॉझिटिव्ह आढळले आहेत. त्यामुळे नाशिक जिल्ह्यातील कोरोनाबाधितांचा आकडा 463 वर पोहोचला आहे.

नाशिकमध्ये कोरोनाचे हॉटस्पॉट बनलेल्या मालेगावात सर्वाधिक 33 रुग्णांची नोंद (Nashik District Corona Positive Update) करण्यात आली. तर येवला उपजिल्हा रुग्णालयातील 16 कर्मचारी आणि नर्सेस यांना कोरोनाची बाधा झाली आहे.

तसेच एका मेडिकल ऑफिसरलाही कोरोनाची लागण झाली आहे. त्यामुळे नाशिक जिल्ह्यातील कोरोनाबाधितांचा आकडा 463 वर गेला आहे. यात एकट्या मालेगावातील कोरोना पॉझिटिव्ह रुग्णांचा आकडा हा 382 इतका आहे.

गेल्या काही दिवसांपासून मालेगावसह नाशिक शहर, सिन्नर, चांदवड, येवला, विंचूर मनमाड येथील रुग्णसंख्येत वाढ होत आहे. त्याशिवाय लासलगाव 2, देवळाली भागात 7 नवे पॉझिटिव्ह रुग्ण आढळले आहेत. इतकचं नव्हे तर नाशिक ग्रामीण भागातही कोरोनाचे रुग्ण वाढत आहे. लासलगावमध्येही दोन जणांचा रिपोर्ट कोरोना पॉझिटिव्ह आला आहे. यात एका डॉक्टर आणि नर्सचा समावेश आहे.

चांदवड तालुक्यातील देवरगाव येथील कोरोना पॉझिटिव्ह रुग्णाच्या संपर्कात आल्याने लासलगाव येथील खाजगी डॉक्‍टर नर्सला कोरोनाची लागण झाली आहे. मंगळवारी उशिरा यांचे रिपोर्ट आल्यानंतर वैद्यकीय क्षेत्रातील सर्वांचेच धाबे दणाणले आहे.

यानंतर लासलगाव, पिंपळगावजवळील गावात 100 टक्के लॉकडाऊन करण्यात आले आहेत. लासलगाव बाजार समितीत कांद्याची आलेली आवकेमुळे रस्त्यावर वाहनधारकांची मोठी गर्दी झाली आहे. ही गर्दी नियंत्रणात ठेवण्यासाठी पोलिसांची चांगलीच दमछाक होताना दिसत (Nashik District Corona Positive Update) आहे.

संबंधित बातम्या : 

पिंपरी चिंचवडला ‘कोरोना’चा विळखा, तळवडे-चिखलीत 34 रुग्ण, कोणत्या प्रभागात किती?

Nashik Corona : नाशिक जिल्ह्यात कोरोनाबाधितांचा आकडा 426 वर, एकट्या मालेगावात 349 रुग्ण