नाशिकच्या सिडको परिसरात आढळला अनोळखी तरुणाचा मृतदेह; घातपाताचा संशय
नाशिक शहरातील सिडको परिसरात असलेल्या सिहंस्थनगरमध्ये एका दुकानासमोर अनोळखी तरुणाचा मृतदेह आढळून आला आहे. या घटनेने परिसरात खळबळ उडाली असून, तर्क वितर्कांना उधान आले आहे.
नाशिक: शहरातील सिडको परिसरात असलेल्या सिहंस्थनगरमध्ये एका दुकानासमोर अनोळखी तरुणाचा मृतदेह आढळून आला आहे. या घटनेने परिसरात खळबळ उडाली असून, तर्क वितर्कांना उधान आले आहे. दरम्यान घटनेची माहिती मिळताच अंबड पोलीस घटनास्थळी दाखल झाले. त्यांनी पुढील प्रक्रियेसाठी मृतदेह नाशिक जिल्हा रुग्णालयात पाठवला आहे. या तरुणाची ओळख अद्याप पटली नसून, तपास सुरू असल्याची माहिती पोलिसांनी दिली.
घातपाताचा संशय
घटनेबाबत अधिक माहिती अशी की, सिडको परिसरातील सिहंस्थनगरमध्ये इंडियन ग्लास नावाचे दुकान आहे. याच दुकानासमोर तरुणाचा मृतदेह आढळून आला आहे. या तरुणाचे वय अंदाजे 35 वर्षांच्या आसपास आहे. घटनेची माहिती मिळताच अंबड पोलीस घटनास्थळी दाखल झाले. त्यांनी मृतदेह शवविच्छेदनासाठी नाशिक जिल्हा रुग्णालयात पाठवला आहे. दरम्यान या तरुणाची ओळख अद्याप पटलेली नसून, ओळख पटवण्याचे काम सुरू असल्याची माहिती पोलिसांनी दिली. हा घातपाताचा प्रकार असावा अशी चर्चा परिसरातून सुरू आहे.
तरुणाची ओळख पटवण्याचे पोलिसांचे आवाहन
या मृत तरुणाची उंची 5 फूट 2 इंच, अंगात मेंहदी रंगाचा टी शर्ट व राखाडी रंगाची फुल पॅन्ट, अंगाने सडपातळ , रंगाने गोरा , डोळे काळे , नाक सरळ , डोके आणि दाढीचे केस वाढलेले असा बांधा आहे. याबाबत माहिती असल्यास अंबड पोलीस स्टेशनची संपर्क साधावा असे आवाहन पोलिसांकडून करण्यात आले आहे.
संबंधित बातम्या
Mhada Exam: आरोग्य भरतीनंतर म्हाडा परीक्षेचा पेपर फुटला, नवी तारीख म्हाडा ठरवणार
Raigad Crime : माथेरानमध्ये आढळला शिर कापलेला महिलेचा मृतदेह, आरोपीला पकडण्याचे पोलिसांसमोर आव्हान
