चालकाचा ताबा सुटल्याने थेट दरीत कोसळली कार, चार जणांचा जागीच मृत्यू
पुण्याच्या नवले ब्रिजजवळ ट्रक आणि बसचा भिषण अपघात झाला. या अपघातात अनेक जण जखमी झाले आहेत. याशिवाय दुसरा अपघात वडगाव ब्रिज परिसरात झाला. या अपघातात एका तरूणाचा मृत्यू झाल्याची माहिती आहे. तीसरा अपघात हडपसर भागात झाला.
नंदुरबार : जिल्ह्यातील तोरणमाळ (Tormala Accident) येथे प्रवासी वाहनाचा अपघात झाला असून या अपघातात चार जणांचा जागीच मृत्यू झाल्याची घटना घडली आहे. या अपघातात दोन जण गंभीर जखमी आहेत. या अपघाताची माहिती कळताच स्थानिकांनी घटनास्थळी धाव घेतली. गोरंबा गावापासून लेगापाणी या गावाकडे हे वाहन जात होते. यावेळी वाहनावरील चालकाचा ताबा सुटल्याने तीव्र उतारावरून गाडी ही खोल दरीत कोसळली. यामुळे हा मोठा अपघात झाला आहे. घटनास्थळी ग्रामस्थांनी बांबूची झोळी करत मृतदेह बाहेर काढले आहेत. स्थानिकांच्या मदतीने चारही मृतदेह बाहेर काढण्यात आले असून जखमींना तातडीने म्हसावद ग्रामीण रुग्णालयात उपचार करण्यासाठी दाखल करण्यात आले आहे.
घाटाचा रस्ता अतिशय धोकादायक
सातपुडा पर्वत रांगेत गोरंबा ते लेगापाणी दरम्यान संपूर्ण घाट रस्ता आहे. घाटात उताराची, चढाची धोकादायक वळणे आहेत. हा रस्ता पंतप्रधान ग्राम सडक योजनेअंतर्गत गेल्या पाच वर्षांपासून निर्माणचे कार्य सुरू आहे. अतिशय धोकादायक घाटात रस्ता तयार करताना योग्य पद्धतीनं वळणावर नियमानुसार रस्त्याची निर्मिती केली गेली नसल्यानं तसेच वाहनांवर सुरक्षिततेसाठी आवश्यक असलेले कठडे व तत्सम उपायोजना ठेकेदारानं केली नाही. त्यामुळे हा रस्ता मृत्यूचा सापळा ठरत आहे. लेगापाणीपासून काही अंतरावर एका धोकेदायक वळणावर पिकअप वाहन चढत असताना चालकाचं वाहनावरील नियंत्रण सुटलं. यानंतर हे वाहन मागच्या बाजूला येऊन खोल दरीत 700 ते 800 मीटर अंतरावर जाऊन कोसळले.
पुण्यात पहाटेपासून अपघाताची मालिका
पुण्याच्या नवले ब्रिजजवळ ट्रक आणि बसचा भिषण अपघात झाला. या अपघातात अनेक जण जखमी झाले आहेत. याशिवाय दुसरा अपघात वडगाव ब्रिज परिसरात झाला. या अपघातात एका तरूणाचा मृत्यू झाल्याची माहिती आहे. तीसरा अपघात हडपसर भागात झाला. रस्ता ओलांडताना एका पादचाऱ्याला दुचाकीने धडक दिली.
पुण्यात मगरपट्टा रस्त्यावर दुचाकीने पादचाऱ्याला उडवलं. अपघातात तरुण गंभीर जखमी झाला. ज्ञानोबा ढबळे असं अपघातात जखमी झालेल्या तरुणाचं नाव आहे. आज पहाटे मगरपट्टा भागात हा अपघात झाला.
चालकाचा ताबा सुटल्याने अपघात
नाशिक-छत्रपती संभाजी नगर महामार्गावरील येवला तालुक्यातील रस्ते सुरेगाव येथे पहाटेच्या सुमारास कंटेनर चालकाचा वाहनावरील ताबा सुटून कंटेनर थेट घरात घुसला असून यात एक जण जखमी तर कंटेनरने उभी असलेली तीन वाहनांचे देखील नुकसान केल्याची घटना घडली आहे. जखमीला रुग्णालयामध्ये उपचार करता दाखल करण्यात आले असून संबंधित घटनेचा अधिक तपास पोलीस करीत आहे.