VIDEO: ‘मुलगी डॉक्टर, तिला प्रॅक्टिस करु द्या’, लग्नात आशिर्वाद देताना राष्ट्रवादीच्या नेत्याच्या मुलाला शरद पवारांची सूचना

सोलापूर : राष्ट्रवादी काँग्रेसचे अध्यक्ष शरद पवार पुन्हा एकदा मैदानात उतरून ठिकठिकाणी भेटी देत असल्याचं दिसत आहे. शुक्रवारी (25 जूनला) पुण्यातील पक्ष कार्यालयाला भेट दिल्यानंतर ते आज (26 जून) सोलापूर जिल्ह्यातील माळशिरस तालुक्यात वेळापूर येथे पोहचले. या ठिकाणी त्यांनी राष्ट्रवादीचे नेते उत्तम जानकर यांच्या मुलाच्या लग्नाला हजेरी लावली. विशेष म्हणजे त्यांनी केवळ भेटच दिली नाही, तर नवरदेव नवरीची विचारपूसही केली. मुलगी डॉक्टर असल्याचं समजताच त्यांनी नवरदेवाला मुलीला वैद्यकीय प्रॅक्टिस करु देण्याची सूचनाही केली (Sharad Pawar visit marriage of NCP leader Uttam Jankar son in Malshiras Solapur).

राष्ट्रवादीचे नेते उत्तम जानकर यांचे सुपुत्र जीवन जानकर आणि जत येथील सुभाष माने पाटील यांची कन्या स्नेहल यांच्या विवाह निमित्ताने राष्ट्रवादीचे अध्यक्ष शरद पवार हे वेळापुरात आले होते. यावेळी त्यांनी वधू-वरास शुभेच्छा दिल्या. यावेळी उत्तम जानकर यांनी मुलगी डॉक्टर असल्याची माहिती दिली. त्यावर शरद पवारांनी मुलीला प्रॅक्टिस करणार ना असा प्रश्न उपस्थित केला. तसेच उत्तम जानकर यांच्या मुलाला मुलीला प्रॅक्टिस करु देण्याची सूचना दिली. यावर नवरदेव जीवन जानकर याने आपला व्यवसाय असल्याची माहिती शरद पवार यांना दिली.

उत्तम जानकर हे सोलापूर जिल्ह्यातील राष्ट्रवादीचे मोठे नेते आहे. त्यांनी माळशिरस मतदारसंघातून 2019 साठी राष्ट्रवादी काँग्रेस निवडणूक लढवली होती. त्यावेळी भाजप आमदार राम सातपुते यांच्या कडून निसटता पराभव झाला होता.

हेही वाचा :

‘पुण्याच्या राष्ट्रवादीच्या कार्यालयात येण्याआधी मी काळजीत होतो’, गर्दीवरुन शरद पवारांची टोलेबाजी

कामाची गती पाहता आंतरराष्ट्रीय क्रीडा विद्यापीठाचं स्वप्न लवकरच पूर्ण होईल, शरद पवारांकडून क्रीडा विभागाचं कौतुक

संजय राऊत मातोश्रीवर, मुख्यमंत्र्यांना भेटताय का? राऊत म्हणाले शिवसेना पक्षप्रमुखांना भेटतोय!

व्हिडीओ पाहा :

Sharad Pawar visit marriage of NCP leader Uttam Jankar son in Malshiras Solapur