पुणे पोलिसांचा कॅफेवर छापा, अंधार करून कॉलेजचे तरूण-तरूणी… धक्कादायक प्रकार समोर

पुणे कोरेगाव पार्क येथील कल्याणीनगरमध्ये घडलेल्या अपघाताची सगळीकडे चर्चा सुरू आहे. या प्रकरणाचा तपास पुणे पोलीस करत आहेत. कोट्यधीश बिल्डरने आपल्या मुलाला अपघातमधून वाचवण्यासाठी व्यवस्थेला कशा प्रकारे खरेदी केलं हे समोर येत आहे. पुण्यातील या घटनेमुळे पुणे ग्रामीण पोलीस अलर्ट झाली असून त्यांनी एका कॅफे आणि लॉजवर छापा टाकल्यावर तेथील भयानक वास्तव समोर आलं आहे. पोलिसांना या छाप्यामध्ये कॉलेजमधील तरुण-तरूणी तिथे नको त्या अवस्थेत दिसले. कॅफेच्या नावाखाली इश्काचा खेळ रंगताना दिसला.

नेमकं काय आहे प्रकरण?

पुण्यातील राजगुरुनगर शहरातील लॉज आणि कॅफेवर राजगुरुनगर पोलीसांनी छापासत्र सुरु केलं. पोलिसांना कॉलेजमधील तरूण-तरूणी अश्लिल प्रकार करणारी जोडपी आढळुन आलीत. यामधील धक्कादायक गोष्ट म्हणजे कॅफेच्या नावाखाली अंधार करुन महाविद्यालयीन तरूण-तरूणींचा हा अश्लिल प्रकार सुरू होता.

सध्या पुणे शहरातील पब, बार प्रकरणांनंतर पुण्याच्या ग्रामीण भागात लॉज आणि कॅफेमध्ये महविद्यायतीन विद्यार्थांना प्रवेश देऊन आश्लिलतेचा घृणास्पद प्रकार होत असल्याचे समोर आलं आहे. त्यानुसार राजगुरुनगर पोलीसांनी राजगुरुनगर नगरपरिषद प्रशासनासोबत संयुक्त कारवाईला सुरूवात केली आहे.

लॉजमध्ये गेल्यावर ओळखपत्र दाखवावं लागत असल्यामुळे आता ही जोडपी कॅफेकडे वळली आहेत. काहींनी हाच व्यवसाय सुरू केला आहे. तिथे कॅफेच्या नावाखाली तरूण तरूणींना प्रवेश दिला जातो. प्रत्येक जोडप्यासाठी विशेष सोय उपलब्ध करून देण्यात येते. ओळखपत्र न दाखवता प्रवेश मिळत असल्याने जोडपी जास्तीचे पैसे देण्याची तयारी दर्शवतात. पण कॅफे चालकांना कारवाईची भीती का नाही? कॅफे चालवण्यासाठी दुसऱ्या कोणाचे खिसे गरम केले जात नाहीत ना? असे अनेक सवाल उपस्थित होत आहेत.