Raj Thackeray Uttar Sabha : भोंगे ते हिंदुत्व, राज ठाकरे यांची उत्तरसभा कोणत्या 5 मुद्द्यांवर होणार?
Raj Thackeray Uttar Sabha Thane LIVE Updates | राज ठाकरे काय बोलणार, याचा अंदाज वर्तवणे तसे म्हटले तर अवघड आणि तसे म्हटले तर सोपे. त्यांनी घेतलेली भूमिका पाहता ते पुन्हा एकदा हिंदुत्वाची भूमिका कशी योग्य, यावर बोलू शकतील. शिवाय मराठीचा मुद्दा आहेच. त्यांच्या बदललेल्या भूमिकेवर कोण-कोण टीका केली, याचाही ते समाचार घेऊ शकतात.
मुंबईः महाराष्ट्र नवनिर्माण सेनेचे (MNS) अध्यक्ष आणि आता कडव्या हिंदुत्वाची शाल अंगावर घेतलेल्या राज ठाकरे (Raj Thackeray) यांची आज सायंकाळी ठाण्यात होणारी सभा कोणत्या मुद्यांनी गाजणार याची उत्सुकता शिगेला पोहचलीय. पाडव्यादिवशी शिवतीर्थावर झालेल्या सभेत राज यांनी उपस्थित केलेल्या भोंग्याच्या मुद्यावरून राज्यातले राजकारण ढवळून निघाले आहे. त्यांच्या मुद्याला रसद पुरवण्याचे काम भाजपकडून सुरू असून, मोहित कंबोज यांनी चक्क दहा हजार भोंग्यांची ऑर्डर दिल्याचे यापूर्वीच सांगितले आहे. तर मनसेच्या कार्यकर्त्यांनी शिवसेना भवनासमोर हनुमान चालिसा वाजवून सभेच्या आदीच फटाके फोडलेत. राज यांच्या बदलेल्या भूमिकेवर राष्ट्रवादी काँग्रेसचे अध्यक्ष शरद पवार, उपमुख्यमंत्री अजित पवार, शिवसेना (Shivsena) खासदार संजय राऊत ते पर्यावरण मंत्री आदित्य ठाकरे आदींनी तीव्र शब्दांत नापसंती व्यक्त केलीय. या साऱ्यांना राज आज काय उत्तर देणार, हे पाहावे लागेल.
राज काय बोलणार?
राज ठाकरे काय बोलणार, याचा अंदाज वर्तवणे तसे म्हटले तर अवघड आणि तसे म्हटले तर सोपे. त्यांनी घेतलेली भूमिका पाहता ते पुन्हा एकदा हिंदुत्वाची भूमिका कशी योग्य, यावर बोलू शकतील. शिवाय मराठीचा मुद्दा आहेच. त्यांच्या बदललेल्या भूमिकेवर कोण-कोण टीका केली, याचाही ते समाचार घेऊ शकतात. राज यांचे कार्यकर्ते या सभेतून बेगडी हिंदुत्व, सामान्य माणसाची फसवणूक, महाराष्ट्राला लुबाडणारे लुटारू, स्वाभिमान गहाण ठेवणाऱ्या प्रवृत्ती या साऱ्यांना उत्तर मिळेल, असा दावा करत आहेत. त्यामुळेच ते या सभेला सोशल मीडियावर उत्तरसभा म्हणत आहेत.
उत्तर ?? बेगडी हिंदुत्वाला..
उत्तर ?? सामान्य माणसाच्या फसवणूकीला..
उत्तर ?? महाराष्ट्र लुबाडणाऱ्या लुटारूना..
उत्तर ?? स्वाभिमान गहाण ठेवणाऱ्या प्रवृतिना..मोठया संख्येने ‘राज’विचारांना ऐकण्यासाठी नक्की या…#उत्तरसभा
— avinash jadhav (@avinash_mns) April 11, 2022
युतीच्या चर्चेचे वारे
येणाऱ्या काळात मुंबई, पुणे, ठाणे, नागपूर, नाशिक आणि औरंगाबादसह एकूण अठरा महापालिकेच्या निवडणुका होतायत. मुंबई महापालिकेसाठी भाजप आणि शिवसेनेने सर्वस्व पणाला लावले आहे. दुसरीकडे भाजप आणि मनसेच्या युतीच्या चर्चा सुरू झालीय. त्या पार्श्वभूमीला राज यांच्या बदलेल्या भूमिकेने आणखीच उजाळा दिलाय. राजकारणात कोण कोणाचा कायमचा शत्रू नसतो म्हणतात. हेच राज यांनी भाजपचे कौतुक करून दाखवून दिलेय. त्यामुळे मनसे आणि भाजप युती होणार का, याचीही चर्चा रंगताना दिसतेय.
संबंधित बातम्या:
Raj Thackeray Speech LIVE : राज ठाकरेंचं वादळी भाषण Live, आज इतर पक्षांचे “भोंगे” बंद होतील-मनसे