Rohit Pawar : मेल करुन तो मुलगा आता म्हणतो MPSC चा पेपर फुटलाच नाही, मग आता रोहित पवारांची भूमिका काय?
Rohit Pawar : गौरव पाटील आणि लोकेश पाटील या दोघांनी काल रात्री एमपीएससीला मेल करून कळून ही तक्रार खोटी आहे असं सांगितलं. पेपर फुटला त्याचा काही संबंध नाही. हा एक बनाव होता. जो पेपर फुटला तो लोकल परीक्षेचा होता, असं मेलमध्ये म्हटलंय.
एमपीएससीच्या औषध निरीक्षक पदाच्या भरतीचा पेपर फुटल्याच्या बातमी सकाळी समोर आली. पण आता एमपीएसीकडून हा पेपर फुटलाच नसल्याचा दावा करण्यात आला आहे. तृषार पाटीलने MPSC ला मेल पाठवून ही तक्रार खोटी असल्याचं सांगितलं. आज सकाळी रोहित पवार यांनी या संबंधी पत्रकार परिषद घेऊन पेपर फुटल्याचे खळबळजनक दावे केले होते. हे पेपर फुटीचं प्रकरण खोट असल्याच समजल्यानंतर टीव्ही 9 मराठीने त्यांच्याशी संवाद साधला. त्यावर रोहित पवार यांनी आपण आपल्या आरोपांवर ठाम असल्याचं सांगितलं. “बनाव रचला असं ते म्हणत असतील ते पत्र ज्या तृषार पाटीलने दिलं त्याला आधी उचला आणि विचारा त्याने अशी फसवणूक का केली?.आमच्याकडे आलेले ते सगळे पुरावे तितकेच खरे आहेत. त्यामुळे त्या पुराव्यांची शहानिशा होणं तितकचं गरजेचं आहे” असं रोहित पवार म्हणाले.
“फक्त असं म्हणत असतील की ज्याने तक्रार केली तो म्हणतो ती तक्रार खरी नाही, यावर काही आम्ही थांबणारी लोकं नाही. हा सगळा मुद्दा मला काही तृषार पाटलांकडून आलेला नाही. तिसऱ्या लोकांकडून आला आहे. एमपीएससीचा पेपर फुटला असेल अशा पद्धतीने तर ती आमच्यासाठी धोक्याची घंटा आहे. अशी गोष्ट घडू नये यासाठी हा मुद्दा हातात घेणं गरजेच आहे” असं रोहित पवार म्हणाले.
पण कोर्टात गेल्यावर भ्रष्टाचार सिद्ध झाला
“आमच्याकडे पुरावे आलेत. त्यावर तुम्हाला टेक्निकलीच उत्तर द्यावं लागेल. तलाठी भरतीच्यावेळी घशाला कोरड पडेपर्यंत ओरडून बोललो. पण आमचं म्हणणं नाकारलं. पण कोर्टात गेल्यावर भ्रष्टाचार सिद्ध झाला. 100 पैकी 90 प्रश्न सारखे असतील तर पेपर फुटलाच म्हणणार ना” असं रोहित पवार म्हणाले.
जो पेपर फुटला तो लोकल परीक्षेचा होता
गौरव पाटील आणि लोकेश पाटील या दोघांनी काल रात्री एमपीएससीला मेल करून कळून ही तक्रार खोटी आहे असं सांगितलं. पेपर फुटला त्याचा काही संबंध नाही. हा एक बनाव होता. जो पेपर फुटला तो लोकल परीक्षेचा होता, असं मेलमध्ये म्हटलंय.
