Thane: ठाण्यात उद्या पाणीबाणी, आजच पाणी भरून ठेवा
स्टेम प्राधिकरणाकडून पावसाळ्यापुर्वीच्या दैनंदिन देखभाल दुरुस्तीची अत्यावश्यक कामे करण्यात येणार असून या कामांमुळे बुधवारी ठाणे शहराचा पाणी पुरवठा बंद राहणार आहे.
ठाणे, पालिका (Municipal Corporation) क्षेत्रात स्टेम प्राधिकरणाकडून पाणीपुरवठा करणाऱ्या जलवाहिन्यांच्या देखभाल दुरुस्तीचे काम हाती घेण्यात आले आहे. त्यामुळे बुधवार 15 जून रोजी सकाळी 9 ते गुरुवार 16 जून रोजी सकाळी 9 यावेळेत पाणीपुरवठा बंद ठेवण्यात येणार आहे. पावसाळ्यापुर्वीच्या दैनंदिन देखभाल दुरुस्तीची अत्यावश्यक कामे करण्यात येणार असून या कामांमुळे बुधवारी ठाणे शहराचा पाणी पुरवठा बंद राहणार आहे. दरम्यान ठाणे (Thane) महापालिकेच्या (Municipal Corporation) स्वतःच्या पाणी पुरवठा योजनेचे नियोजन करुन टप्प्या टप्प्याने शहरात एक वेळ पाणी पुरवठा सुरु ठेवण्याचे नियोजन करण्यात आल्याची माहिती पालिकेच्या पाणी पुरवठा (Water Supply) विभागाने दिली.
स्टेम प्राधिकरणाच्या प्राधिकरणाकडून 24 तासांचा शटडाऊन घेण्यात आला आहे.
याभागाच पाणी पुरवठा बंद
त्यानुसार घोडबंदर रोड, पातलीपाडा, पवारनगर, कोठारी कम्पाऊंड, आझादनगर, डोंगरीपाडा, वाघबीळ इत्यादी ठिकाणचा पाणीपुरवठा बुधवारी सकाळी 9 ते रात्री 9 वाजेपर्यंत बंद राहील तसेच समतानगर, ऋतुपार्क, सिद्धेश्वर, इंटरनिटी, जॉन्सन, जेल, साकेत, उथळसर, रेतीबंदर, कळव्याचा व मुंब्य्राचा काही भाग या ठिकाणी बुधवारी रात्री 9 ते गुरुवारी सकाळी 9 वाजेपर्यंत पाणीपुरवठा बंद राहील.
पुढील 1 ते 2 दिवस पाणी कमी
वरील शटडाऊनमुळे पुढील 1 ते 2 दिवस कमी दाबाने पाणीपुरवठा होण्याची शक्यता आहे. तरी नागरिकांनी पाण्याचा योग्य तो साठा करुन ठेवावा व ठाणे महानगरपालिकेस सहकार्य करावे असे आवाहन पालिकेतर्फे करण्यात आले आहे.