AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

काय आहे BNS चे कलम 82? लागू करण्याची का होत आहे मागणी, हिंदू स्त्रियांप्रमाणे मुस्लिम महिलांना तो अधिकार मिळणार?

Bhartiya Muslim Mahila Andolan Against Polygamy: भारतीय मुस्लिम महिला आंदोलन ही संघटना सध्या विशेष जनसुनावणी घेण्याची तयारी करत आहे. त्यामागे एक मोठे कारण आहे. ही संघटना BNS चे कलम 82 लागू करण्याची मागणी करत आहे. हिंदू स्त्रियांप्रमाणे मुस्लिम महिलांना तो अधिकार मिळणार का?

काय आहे BNS चे कलम 82? लागू करण्याची का होत आहे मागणी, हिंदू स्त्रियांप्रमाणे मुस्लिम महिलांना तो अधिकार मिळणार?
हिंदू स्त्रियांप्रमाणे मुस्लिम महिलांना तो अधिकार मिळणार?
| Updated on: Nov 19, 2026 | 10:03 AM
Share

Muslim Women Against Polygamy: मुस्लिम समाजातील बहुविवाह प्रथेविरोधात मुस्लिम महिला आक्रमक झाल्या आहेत. भारतीय मुस्लिम महिला आंदोलन ही संघटना सध्या विशेष जनसुनावणी घेण्याची तयारी करत आहे. ही संघटना मुंबईत एक विशेष जनसुनावणी घेणार आहे. या सुनावणीत देशामधील सहा राज्यांतील पीडित महिला त्यांचे अनुभव, त्यांची आपबित्ती एका तज्ज्ञ पॅनलसमोर मांडणार आहेत. मुस्लिम महिलांसाठी भारतीय न्याय संहितेच्या (BNS) कलम 82 लागू करण्याची मागणी करण्यात आली आहे. यामुळे मुस्लिम समाजातील बहुविवाह प्रथेला कायदेशीर आळा बसेल असा युक्तीवाद करण्यात आला आहे.

सहा राज्यातील महिला मांडणार त्यांच्या व्यथा

या जनसुनावणीत महाराष्ट्र, कर्नाटक, पश्चिम बंगाल, तामिळनाडू, नवी दिल्ली आणि ओडिशा या सहा राज्यांतील महिला हजेरी लावतील. या महिला बहुविवाह पीडित आहेत. पतीच्या दुसऱ्या लग्नामुळे सामाजिक, आर्थिक, मानसिक आणि शारीरिकदृष्ट्या काय परिणाम झाला. आरोग्यावर काय परिणाम झाला. कुटुंबावर आणि मनावर काय परिणाम झाला याची माहिती त्या देणार आहेत. या प्रथेचा त्यांच्या मुलांच्या भविष्यावर आणि शिक्षणावरही दुष्परिणाम झाल्याचा दावा करण्यात येत आहे. महाराष्ट्र राज्य महिला आयोगाच्या सदस्य सचिव नंदिनी आव्हाड, पत्रकार ज्योती पुनवानी, मुस्लिम सत्यशोधक मंडळाचे अध्यक्ष शम्सुद्दीन तांबोली, फिरोज मिठीबोरवाला, झीनत शौकत अली, काझी मेहताब हुसैनी आणि अंधश्रद्धा निर्मूलन समितीचे अध्यक्ष अविनाश पाटील यांच्या पॅनलसमोर ही जनसुनावणी होणार आहे.

त्या अहवालात काय?

BMMA ही संघटना गेल्या दोन वर्षांपासून बहुविवाहाने पीडित महिलांचे हक्क, अधिकार आणि अन्यायासंबंधी अभ्यास करत आहे. बहुविवाहाला बळी पडलेल्या 2500 महिलांचा या संघटनेने सखोल अभ्यास केला आहे. त्यांच्याशी संवाद साधला आहे. त्यांच्या अडचणी समजून घेतल्या आहेत. पीडित महिलांच्या माहेरकडील लोकांची बाजू ऐकून घेतली आहे. याविषयीचा एक अहवालही प्रसिद्ध केला आहे. हा अहवाल सरकारसमोर ठेवून या पीडितेच्या अडचणींविरोधात आवाज उठवण्यात येणार आहे .

BNS कायद्याचे कलम 82 काय आहे?

भारतीय न्याय संहितामधील(BNS) कलम 82, पूर्वीचे आयपीएस कलम 494 आणि 495 हे पहिला जोडीदार हयात असताना दुसरे लग्न करण्याच्या गुन्ह्याशी संबंधित आहे. या कायद्यात, पहिली पत्नी अथवा पती जिवंत असताना दुसरे लग्न केल्यास दोषी व्यक्तीला 7 वर्षांपर्यंत तुरुंगवास आणि दंडाच्या शिक्षेची तरतूद आहे. जोडीदाराला लपवून दुसरे लग्न केल्यास या कायद्यान्वये तो गुन्हा ठरतो. सध्या हा कायदा हिंदू धर्मियांना लागू आहे. मुस्लिम समाजातील पुरुषांना मुस्लिम पर्सनल लॉ अंतर्गत काही अटींसह एकापेक्षा जास्त विवाह करण्याची मुभा आहे.

Follow Us
पाणीटंचाईवर मात करण्यासाठी महाराष्ट्र शासनाचा महत्वाचा निर्णय...
CM Fadnavis On Water Scarcity : पाणीटंचाईवर मात करण्यासाठी महाराष्ट्र शासनाचा महत्वाचा निर्णय
500 कोटींच्या ऑडिओ क्लिपची चौकशी होणार नाही, कारण त्यामध्ये भाजपचे...
Manoj Jarange : 500 कोटींच्या ऑडिओ क्लिपची चौकशी होणार नाही, कारण त्यामध्ये भाजपचे लोक... जरांगे पाटील स्पष्टच बोलले
मेट्रो स्थानकांची नावे बदलणार? मुंबई, पुणे, नागपूरसाठी बैठकीत...
मेट्रो स्थानकांची नावे बदलणार? मुंबई, पुणे, नागपूरसाठी मुख्यमंत्र्यांच्या अध्यक्षतेखाली विशेष समिती गठीत!
भररस्त्यात दुचाकी पेटवली अन् रस्त्यावरच... मद्यधुंध तरुणाचा धक्कादायक
भररस्त्यात दुचाकी पेटवली अन् रस्त्यावरच... मद्यधुंध तरुणाचा धक्कादायक प्रकार
सोलापुरात ऊस दराचा तिढा कायम! जयकुमार गोरेंसोबतची बैठक निष्फळ, आता...
सोलापुरात ऊस दराचा तिढा कायम! जयकुमार गोरेंसोबतची बैठक निष्फळ, कारखानदारांनी मागितली 2 दिवसांची मुदत
दाऊद इब्राहिमच्या जुन्या वास्तव्यावर हातोडा! भेंडी बाजारातील इमारत...
दाऊद इब्राहिमच्या जुन्या वास्तव्यावर हातोडा! भेंडी बाजारातील मुसाफिरखाना इमारतीवर पालिकेची मोठी कारवाई
शायना एनसी यांच्यावर शाईफेक करणाऱ्याला 1 लाखांचे बक्षीस! रूपम घुगे...
शायना एनसी यांच्यावर शाईफेक करणाऱ्याला 1 लाखांचे बक्षीस! रूपम घुगे यांची मोठी घोषणा
शायना एनसी यांनी बाळासाहेबांचा फोटोही फाडला, ठाकरेंची शिवसेना आक्रमक..
Shivsena : शायना एनसी यांनी बाळासाहेबांचा फोटोही फाडला, ठाकरेंची शिवसेना आक्रमक; पुस्तकात नेमकं काय लिहिलंय?
चार तास वाहतूक कोंडीत रुग्णवाहिका अडकली; दीड वर्षांच्या मुलाचं जीवन
Raigad : चार तास वाहतूक कोंडीत रुग्णवाहिका अडकली; दीड वर्षांच्या मुलाचं जीवन संपलं, रायगडमधील घटनेने हळहळ
फायनान्स कंपन्यांची खुलेआम गुंडागर्दी; 22 हजारांचा हफ्ता चुकला अन्....
Latur : फायनान्स कंपन्यांची खुलेआम गुंडागर्दी; 22 हजारांचा हफ्ता चुकला, वसुलीसाठी शेतकऱ्याला शिवीगाळ