बेळगाव सीमा प्रश्नी सभागृहात पडसाद उमटणार? ठाकरे गटाच्या खासदार प्रियंका चतुर्वेदी यांनी कुणाला पाठविली नोटीस ?
स्थगन प्रस्तावाची नोटीस पाठविली असून पहिल्या दिवशीच ठाकरे गटाचे खासदार सभागृहात आक्रमक होणार असल्याची शक्यता निर्माण झाली आहे.
प्रदीप कापसे, दिल्ली : कर्नाटक आणि महाराष्ट्र सीमा वाद अधिकच तापला आहे. ठिकठिकाणी या वादाचे पडसाद उमटतांना बघायला मिळत आहे. कर्नाटकचे मुख्यमंत्री बसवराज बोम्मई यांनी महाराष्ट्राच्या मंत्र्यांना कर्नाटकमध्ये न येण्याचा फतवा काढल्याने वातावरन अधिकच चिघळले आहे. कर्नाटकमध्ये महाराष्ट्रातील बसेसला अडवून त्यांची तोडफोड आणि त्यांना अडवणूक केल्याचे दिसून येत होते. त्याच पार्श्वभूमीवर महाराष्ट्रातही ठिकठिकाणी बस अडवून त्यांना काळे लावले आहेत. जय महाराष्ट्र असा भगव्या रंगाने लिहिण्यात आले आहे. त्यामुळे एकूणच महाराष्ट्र आणि कर्नाटक सीमा वादाचा प्रश्न अधिकच चिघळला असल्याने राजकीय प्रतिक्रिया उमटू लागल्या आहे. त्याच पार्श्वभूमीवर शिवसेना ठाकरे गटाच्या खासदार प्रियंका चतुर्वेदी यांनी राज्यसभेच्या सभापतींना नोटिस पाठवून यावर चर्चा करण्याची मागणी केली आहे.
कर्नाटक आणि महाराष्ट्र सीमा वादाच्या प्रश्नावर शिवसेना ठाकरे गटाच्या खासदार प्रियंका चतुर्वेदी यांची राज्यसभेच्या सभापतींना नोटीस पाठविली आहे.
सभागृहात कर्नाटक महाराष्ट्रात सीमावादावरून निर्माण झालेल्या कायदा आणि सुव्यवस्थेवर चर्चा व्हावी अशी मागणी खासदार प्रियंका चतुर्वेदी यांनी केली आहे.
स्थगन प्रस्तावाची नोटीस पाठविली असून पहिल्या दिवशीच ठाकरे गटाचे खासदार सभागृहात आक्रमक होणार असल्याची शक्यता निर्माण झाली आहे.
महाराष्ट्रात ठिकठिकाणी कर्नाटक आणि महाराष्ट्र सीमा वादाचे पडसाद उमटतांना दिसून येत आहे. त्याच पार्श्वभूमीवर खासदार प्रियंका चतुर्वेदी यांनी केलेल्या मागणीवर काय निर्णय होतो याकडे सर्वांचेच लक्ष लागून आहे.
शरद पवार यांनीही कर्नाटक सरकारला इशारा देत मला कर्नाटकात यावं लागेल असं म्हंटल्याने राजकीय वातावरण देखील तापले आहे, महाराष्ट्रातील नागरिकांचा रोष वाढू नये यासाठी तात्काळ चर्चा व्हायला हवी असा सुर आता आवळला जात आहे.
