माजी मुख्यमंत्री, आजी मुख्यमंत्री, शॅडो मुख्यमंत्री आणि किंगमेकर; एक फोटो अनेक अर्थ!

शिवसेनाप्रमुख बाळासाहेब ठाकरे यांच्या पूर्णाकृती पुतळ्याचं काल शनिवारी अनावरण करण्यात आलं. या कार्यक्रमाला सर्वपक्षीय नेते उपस्थित होते. (uddhav thackeray, raj thackeray and devendra fadnavis together at Balasaheb Thackeray’s birth anniversary event)

भीमराव गवळी | Updated on: Jan 24, 2021 | 11:31 AM

मुंबई: शिवसेनाप्रमुख बाळासाहेब ठाकरे यांच्या पूर्णाकृती पुतळ्याचं काल शनिवारी अनावरण करण्यात आलं. या कार्यक्रमाला सर्वपक्षीय नेते उपस्थित होते. बऱ्याच वर्षानंतर एका महत्त्वाच्या कार्यक्रमानिमित्ताने सर्वपक्षीय नेते एकत्र आल्याने मीडियानेही या नेत्यांचे भराभर फोटो काढले. त्यातील अनेक फोटोंचे अनेक अर्थ काढले जात आहेत. (uddhav thackeray, raj thackeray and devendra fadnavis together at Balasaheb Thackeray’s birth anniversary event)

शिवसेनाप्रमुख बाळासाहेब ठाकरे यांच्या पुतळ्याच्या अनावर प्रसंगाचा एक बोलका फोटो समोर आला आहे. या फोटोत विद्यमान मुख्यमंत्री, आजी मुख्यमंत्री, शॅडो मुख्यमंत्री आणि किंगमेकर आदी एकाच फ्रेममध्ये आले आहेत. पुतळ्याच्या समोरच असलेल्या स्टेजवर नेत्यांना बसण्याची व्यवस्था करण्यात आली होती. या स्टेजवर मुख्यमंत्री उद्धव ठाकरे बसले होते. त्यांच्या बाजूला माजी मुख्यमंत्री देवेंद्र फडणवीस बसले होते. मुख्यमंत्र्यांच्या दुसऱ्या बाजूला राज्याच्या राजकारणात किंगमेकरची भूमिका वठवण्याची ताकद असलेले मनसे अध्यक्ष राज ठाकरे बसले होते आणि मुख्यमंत्र्यांच्या पाठी शिवसेनेच्या किंगमेकर मिसेस मुख्यमंत्री अर्थात रश्मी ठाकरे बसले होते.

या फोटोत मुख्यमंत्री उद्धव ठाकरे आणि राज ठाकरे यांच्या चेहऱ्यावर गंभीर भाव दिसत आहेत. तर देवेंद्र फडणवीस हे हसताना दिसत आहेत. विशेष म्हणजे फोटोतील चारही व्यक्ती एकमेकांकडे बघताना दिसत नाहीत. स्टेजवर धीरगंभीर वातावरण असावं असं हा फोटो पाहून प्रथमदर्शनी वाटतं. मात्र, यातील महत्त्वाची बाब म्हणजे हे तिन्ही नेते बऱ्याच वर्षानंतर एकाच मंचावर आल्याचं पाहायला मिळालं. मधल्या काळात विधानसभा निवडणुका आणि त्यानंतर सत्ता समीकरणामुळे निर्माण झालेली राजकीय कटुता टाळून हे तिन्ही नेते एकमेकांना अत्यंत उत्साहात भेटले. एकमेकांना हसतमुखाने नमस्कार केला आणि एकत्रित फोटोही काढले. त्यामुळे महाराष्ट्रातील राजकीय संस्कृतीच्या सभ्यतेचं हे बोलकं चित्रं असल्याचं पुन्हा एकदा अधोरेखित झालं आहे. (uddhav thackeray, raj thackeray and devendra fadnavis together at Balasaheb Thackeray’s birth anniversary event)

Video : Manisha Kayande | बाळासाहेबांवर सर्वांचेच प्रेम होतं आणि आहे : मनिषा कायंदे @KayandeDr pic.twitter.com/U9xB6skTNz

— TV9 Marathi (@TV9Marathi) January 23, 2021