भाजपचं दोन दिवस मॅरेथॉन मंथन, कोअर कमिटीचे बडे नेते हजर, विनोद तावडेंना स्थान नाही

विनोद तावडे

मुंबई : राज्य भाजपने मॅरेथॉन बैठकांचा आयोजन (BJP Meeting) केलं आहे. येत्या 5 आणि 6 जानेवारी अर्थात उद्या आणि परवा सकाळी 11 ते रात्री 9 पर्यंत महामंथन होणार आहे. या बैठकीमध्ये आगामी निवडणुका, सध्याची राजकीय स्थिती, ग्राम पंचायत आणि महापालिकांच्या निवडणुका हे विषय फोकस असण्याची चिन्हं आहेत. महत्त्वाचं म्हणजे राज्य कोअर कमिटीचे सर्व सदस्य उपस्थित असताना, विनोद तावडे यांना मात्र या बैठकीला स्थान देण्यात आलेलं नाही.  विनोद तावडे हे राज्य कार्यकारिणीमध्येही नाहीत. त्यामुळे ते बैठकीला अनुपस्थित राहू शकतात. मात्र पक्षाचा जुना जाणता नेता असताना, महत्त्वाच्या बैठकीला गैरहजर असणं अपेक्षित नाही. (Vinod Tawde has no place  in Maharashtra BJPs marathon meeting  to be held on 5th & 6th January)

5 तारखेला प्रदेश पदाधिकारी आणि विविध मोर्चाच्या अध्यक्षांची बैठक आहे. तर संध्याकाळी 7 वाजता कोअर कमिटीची बैठक होणार आहे. या बैठकीमध्ये देवेंद्र फडणवीस, चंद्रकांत पाटील, गिरीश महाजन, चंद्रशेखर बावनकुळे, सुधीर मुनगंटीवार, पंकजा मुंडे, आशिष शेलार उपस्थित राहणार आहेत. महत्त्वाचं म्हणजे विनोद तावडे यांना कोर कमिटीत स्थान नाही. दुसऱ्या दिवशी 6 तारखेला पाचही महापालिका निवडणुकी संदर्भात इलेक्शन कमिटीची बैठक होणार आहे.

विनोद तावडेंना स्थान नाही

भाजपच्या या अतिमहत्त्वाच्या बैठकीला सर्व पदाधिकारी उपस्थित राहणार आहेत. मात्र या बैठकीला विनोद तावडे यांची अनुपस्थिती चर्चेचा विषय आहे. जरी विनोद तावडे राष्ट्रीय कार्यकारिणीमध्ये असले, तरी राज्याच्या दृष्टीने तावडे हे भाजपमधील महत्त्वाचे नेते म्हणून चर्चेत होते. त्यांना 2019 च्या विधानसभा निवडणुकीत तिकीटही मिळालं नाही. तेव्हापासून तावडेंची नाराजी दिसून आली आहे. त्यातच या बैठकीला तावडेंना निमंत्रण नसणं हे लक्ष वेधून घेणारं आहे.

भाजपची कोअर कमिटी

भाजप प्रदेशाध्यक्ष चंद्रकांत पाटील यांनी जुलै 2020 मध्ये राज्य भाजप कार्यकारिणी जाहीर केली होती. त्यावेळी विनोद तावडे यांचं नाव नव्हतं.

भाजपची कार्यकारिणी 

महामंत्री – सुजित सिंह ठाकूर, चंद्रशेखर बावनकुळे, देवयानी फरांदे, रवींद्र चव्हाण, श्रीकांत भारतीय, विजय पुराणिक

उपाध्यक्ष –माजी मंत्री राम शिंदे, जयकुमार रावल, संजय कुटे, माधव भंडारी, माजी आमदार सुरेश हळवणकर, खासदार प्रीतम मुंडे, आमदार प्रसाद लाड, चित्रा वाघ, माधवी नाईक, खासदार कपिल पाटील, खासदार भारती पवार, जयप्रकाश ठाकुर असे 12 उपाध्यक्ष असतील

सेक्रेटरी –

माजी आमदार प्रमोद जठार, , संजय पुराम, अॅड धर्मपाल मेश्राम, खासदार रक्षा खडसे, संदीप लेले, स्नेहलता कोल्हे, दयानंद चोरगे, इंद्रिस मुलतानी, अमित गोरखे, नागनाथ निरोवदे, राजेंद्र बकाने, अर्चना तेहटकर

विधानसभेत मुख्य प्रतोद आशिष शेलार आणि प्रतोद माधुरी पिसाळ

(Vinod Tawde has no place in the BJP meeting)

संबंधित बातम्या : 

भाजपची कार्यकारिणी जाहीर, प्रीतम मुंडे राज्यात, पंकजा मुंडे केंद्रात

खडसे, तावडे, पंकजा मुंडेंना राष्ट्रीय पातळीवर जबाबदारी?