देशविरोधी मजकूर असणाऱ्या 747 वेबसाईट बॅन; प्रसारण मंत्री अनुराग ठाकुर यांनी दिली माहिती
या प्रकारची कारवाई 2021-22 मध्येही करण्यात आली होती, त्यावेळी 94 यू ट्यूब चॅनेलवर बंदी घालण्यात आली असल्याचीही माहिती अनुराग ठाकुर यांनी राज्यसभेत दिली.
नवी दिल्लीः देशविरोधी आणि भारताच्या अखंडतेला बादक ठरणाऱ्या, देशविरोधात अखंडता चालवणाऱ्या भारतातील 747 वेबसाईटवर बंदी (794 Website Ban)घालण्यात आल्याची माहिती माहिती आणि प्रसारण मंत्री अनुराग ठाकूर (Information and Broadcasting Minister Anurag Thakur) यांनी दिली. यावेळी त्यांनी विरोधकांवर जोरदार हल्ला करताना सांगितले की, देशविरोधी मजकूर चालवणाऱ्यांवर विरोधक काही बोलणार नाहीत, उलट त्यांचे समर्थन करतील अशी टीकाही त्यांनी यावेळी केली. देशात वाईट प्रवृत्तींविरोधात विरोधक बोलत नाही मात्र सरकारवर जोरदार पणे टीका केली जात असल्याचेही त्यांनी सांगितले.
अशा प्रकारची कारवाई मागील वर्षीही
लोकसभेत बोलताना त्यांनी सांगितले की, अशा देशाला घातक ठरणाऱ्या आणि देशविरोधात असणाऱ्या शक्तींना पाठिंबा देणाऱ्या यूट्यूब चॅनेल आणि वेबसाईटवर बॅन करण्यात आल्या आहेत. यावेळी त्यांनी मागील वर्षाचा दाखला देत ते म्हणाले की, याप्रकारची कारवाई मागील 2020-21 सालीही करण्यात आली होती, त्यावेळी 94 वेबसाईट बॅन करण्यात आल्या होत्या.
विरोधकांवर जोरदार हल्ला
माहिती व प्रसारण मंत्री अनुराग ठाकुर यांनी यावेळी विरोधकांवर जोरदार हल्ला करत सांगितले की, देशविरोध कारवाया करणाऱ्यांविरोधात, देशविरोधी माहितीचा प्रसार करणाऱ्यांविरोधात विरोधकांकडून काहीही बोलले जात नाही, मात्र नरेंद्र मोदी सरकारवर ते जोरदार टीका करतात असंही त्यांनी सांगितले
