VIRAL NEWS : मैदानात फुटबॉलची मॅच सुरू, वीज पडली आणि सगळं गाव रडू लागलं

झारखंड : झारखंड (JHARKHAND NEWS) राज्यात एक दुर्देवी घटना घडली आहे. राज्यातील दुमका (DUMAKA) येथे फुटबॉलची मॅच (FOOTBOLL MATCH) सुरु असताना अचानक मैदानात वीज कोसळली. त्यानंतर संपूर्ण परिसर हादरुन गेला आहे. दोघांचा जागीचं मृत्यू झाला असल्याची माहिती मिळाली आहे. त्याचबरोबर तीघेजण गंभीर जखमी झाले आहेत. जखमी झालेली सगळी लोकं तिथं मॅच पाहायला आली होती. त्यांच्या अंगावर वीज कोसळली आहे. ज्यावेळी वीज कोसळल्याची माहिती पोलिसांनी मिळाली, त्यावेळी त्यांनी घटनास्थळी धाव घेतली. डॉक्टरांनी सगळ्यांची तपासणी केली, तेव्हा त्यापैकी दोघांचा जागीचं मृत्यू झाला होता. त्यातले तिघेजण गंभीर जखमी झाले आहेत.

ही घटना शनिवारी घडली आहे. पोलिस अधिकाऱ्यांनी सांगितलं की, जी लोकं अधिक जखमी झाली आहेत. त्यांना चांगल्या रुग्णालयात उपचारासाठी पाठवण्यात आलं आहे. जी लोकं किरकोळ जखमी झाली आहेत. त्यांना तिथल्या जवळच्या रुग्णालयात ठेवलं आहे.तिथल्या स्थानिक लोकांनी सांगितलं की, त्या मैदानात फुटबॉलच्या मॅच आयोजन करण्यात आलं होतं. शनिवारी त्या स्पर्धेचा पहिला दिवस होता. दोन्ही टीममध्ये रोमांमक सामना सुरु होता. त्याचवेळी अचानक पाऊस सुरु झाला.

दोघांचा जीव गेला

तिथं मॅच पाहत असलेल्या एका गावच्या दोघांचा मृत्यू झाला आहे. शिवलाल सोरेन आणि संतलाल हेंब्रम अशी दोघांची नावं आहेत. ही दोघं ज्यावेळी वीज सुरु होती, त्यावेळी आडोसा घेण्यासाठी तिथल्या मंडपात निघाले होते. त्याचवेळी मंडपावर वीज कोसळली. त्यामध्ये दोघांचा मृत्यू झाला आहे. अनिल हांसदा , सोमरा सोरेन आणि अनिल सोरेन हे तिघे जखमी झाले आहेत.

पोलिसांनी लोकांना मदत केली

ज्यावेळी तिथल्या मंडपावरती अचानक वीज कोसळली, त्यावेळी मैदानात असलेले सगळे खेळाडू घाबरले होते. लोक ओरडू लागली, इतकं तिकडं धावत सुटली. तिथल्या स्थानिक लोकांनी सांगितलं की, ही घटना अचानक घडली आहे. दोन लोकांचा जागीचं मृत्यू झाला होता. तरीसुध्दा पोलिसांनी त्या लोकांना रुग्णालयात दाखल होतं. मॅच पाहणाऱ्या लोकांना मोठा धक्का बसला आहे.