मोठी बातमी! अमेरिकेची झोप उडाली, चीनने इराणला पाठवले 9 लाख ‘स्पेशल शस्त्र’

अमेरिका इस्त्रायल आणि इराणमध्ये भीषण युद्ध सुरू आहे. अमेरिका आणि इस्त्रायलकडून इराणवर भीषण हल्ले सुरू आहेत. या हल्ल्यांचे व्हिडीओ मेनस्ट्रीम मीडियामधूनच दाखवले जात नाहीयेत तर सोशल मीडियावर देखील प्रचंड प्रमाणात व्हायरल होत आहेत. नुकताच इस्त्रायलच्या डिफेन्स फोर्स कडून एक व्हिडीओ शेअर करण्यात आला होता, ज्यामध्ये त्यांनी इराणच्या एका Mi-17 हेलिकॉप्टरला उडवल्याचा दावा केला होता. इस्त्रायलचा हा व्हिडीओ सोशल मीडियावर चांगलाच व्हायरल झाला. मात्र त्यानंतर या व्हिडीओची पोलखोल झाली. इस्त्रायलच्या सैन्यांनी ज्यावर हल्ला केला होता, ते इराणचं Mi-17 हेलिकॉप्टर नव्हतं तर त्याच एक चित्र होतं. इराणकडून इस्त्रायल आणि अमेरिकेच्या डिफेन्स फोर्सची दिशाभूल करण्यासाठी रन वे वर फायटर विमानांची चित्र काढण्यात येत आहेत, त्यामुळे खरं विमान कोणतं आणि चित्र कोणतं यामध्ये अमेरिका आणि इस्त्रायलची एअरफोर्स चांगलीच कन्फ्यूज झाली आहे. अनेकदा खरं विमान समजून विमानांच्या प्रतिकृतीवरच हल्ला करण्यात आल्याचं देखील बोललं जातं आहे.

आता अशीच आणखी एक नवी चाल आपल्या शत्रूंचा पराभव करण्यासाठी इराणने खेळली आहे. याचा देखील व्हिडीओ सोशल मीडियावर चांगलाच व्हायरल झाला आहे. हे सर्व घडत असताना असा दावा करण्यात आला आहे की, इराणने आपला मित्र चीनकडून खास हत्यारांची एक मोठी खेप मागवली आहे. ज्याच्या मदतीने ते सध्या अमेरिकेचा सामना करत आहेत. जीपीएक्स प्रेसच्या वृत्तानुसार इराने अमेरिकेकडून 9 लाखांपेक्षा अधिक नकली शस्त्र आयात केली आहेत. ज्यामध्ये रणगाडे, मिसाइल कॅरिअर्स आणि बॅलिस्टिक मिसाईलच्या बनावट प्रतिकृती आहेत. या शस्त्रांचं खास वैशिष्ट म्हणजे जेव्हा तुम्ही यामध्ये हवा भरता तेव्हा ते दुरून एखादं खरोखरचं मिसाईल किंवा रणगाडा असल्याचा भास होतो.

त्यामुळे अमेरिका आणि इस्त्रायलची मोठी दिशाभूल होत आहे. इस्त्रायल आणि अमेरिकेचे फायटर जेट या शस्त्रांनाच खरोखरची शस्त्र समजून त्यावर हल्ला करत आहेत.यामध्ये इराणचं तर कोणतंही नुकसान होत नाहीये, मात्र सध्या इस्त्रायल आणि अमेरिकेचं मोठं नुकसान सुरू आहे. याचे काही व्हिडीओ देखील आता समोर आले आहेत. चीनमध्ये अशा प्रकारची खोटी शस्त्र मोठ्या प्रमाणात निर्माण केली जातात आणि त्याला मागणी देखील प्रचंड असते.