कॉकरोच जनता पार्टीचे भाजपाच्या मुख्यमंत्र्यांना थेट मोठे आव्हान, आता तर कुठे आमची..

Cockroach Janata Party

कॉकरोच जनता पार्टीच्या काही सदस्यांना आसाम पोलिसांनी ताब्यात घेतले. यानंतर कॉकरोच जनता पार्टी आक्रमक भूमिका घेताना दिसली. अभिजीत दिपके यांनीही मोठे विधान केले. आता सीजेपीचे नेते आशुतोष रांका यांनी आसामचे मुख्यमंत्री हिमंता बिस्वा सरमा यांना आव्हान दिले आहे. CJP साठी ही केवळ सुरुवात असल्याचे त्यांनी म्हटले आहे. पक्षाच्या बैठकीसाठी रांका रविवारी गुवाहाटी येथे पोहोचले होते. रांका यांनी बैठक घेण्यापूर्वीच पोलिसांकडून त्यांना रोखण्यात आल्याचा आरोप आहे. पोलिसांनी अगोदर त्यांना रोखले आणि त्यानंतर ताब्यात घेतले. काही वेळात पोलिसांनी त्यांना सोडूनही दिले. मात्र, यानंतर वातावरण चांगलेच तापल्याचे बघायला मिळाले. रांकाने पोलिसांनी सोडून दिल्यानंतर एक पोस्ट सोशल मीडियावर शेअर केली.

रांकाने एक्सवर पोस्ट शेअर करत लिहिले की, हिमंत बिस्वा सरमा, आसाममधील कॉकरोच जनता पार्टीला आता कुठेतरी सुरूवात झाली. या पोस्टमध्ये रांका यांनी एक फोटोही शेअर केला. ज्यात हॉटेलमध्ये हे लोक जेवताना दिसत आहेत. पोलिसांनी बेकायदेशीरपणे ताब्यात घेऊन सोडून दिले. असे त्यांनी पोस्टमध्ये लिहिले. यासोबतच काल पोलिस ठाण्यातील आंदोलनात मी देखील तुमच्यासोबत सहभागी होणार होतो.

एका नियोजित बैठकीपूर्वीच पोलिसांनी विरोधी पक्षाच्या नेत्यांना कुंकी चाैधरी यांच्या निवासस्थानावरून 40 हून अधिक सीजेपीच्या कार्यकर्त्यांना ताब्यात घेतले. शहरातील काहिलिपारा भागातील आसाम पोलिसांच्या 10 व्या बटालियनच्या मुख्यालयात नेण्यात आले. मात्र, अधिकाऱ्यांनी या प्रकरणावर कोणतीही प्रतिक्रिया दिली नाही. रांका यांना पोलिसांनी ताब्यात घेतल्याचे कळाल्याने एकच खळबळ उडाली.

गेल्या काही दिवसांपासून राजस्थानच्या शाळेचा मुद्दा उपस्थित करताना सीजेपी दिसत आहे. राजस्थानच्या शाळेत स्थिती नक्की काय आहे हे दाखवताना सीजेपी दिसत आहे. रांका यांना पोलिसांनी ताब्यात घेतल्यानंतर सीजेपीची आक्रमक भूमिका बघायला मिळाली. अभिजीत दिपकेही आरोप करताना दिसले. आसाममध्ये भाजपाची सत्ता आहे. त्यातच भाजपाच्या बालेकिल्ल्यात जाऊन सीजेपी बैठकी घेताना दिसत आहे. त्यातच कार्यकर्त्यांसह रांका यांना पोलिसांनी ताब्यात घेतले.