दिल्ली हिंसा: राकेश टिकैत यांच्यासह 6 शेतकरी नेत्यांवर गुन्हे दाखल

नवी दिल्ली: दिल्ली हिंसाचार प्रकरणी शेतकरी नेते राकेश टिकैत यांच्यासह सहा शेतकरी नेत्यांवर गुन्हे दाखल करण्यात आले आहेत. रॅली काढण्यासाठी दिलेल्या नियमांचं उल्लंघन केल्याप्रकरणी या नेत्यांवर गुन्हे दाखल करण्यात आले आहेत. (Delhi Police FIR names Rakesh Tikait, others for Jan 26 violence)

काल मंगळवारी प्रजासत्ताक दिनी शेतकऱ्यांनी ट्रॅक्टर रॅलीचं आयोजन केलं होतं. या रॅलीदरम्यान हिंसा भडकली होती. आखून दिलेल्या मार्गावरून ही रॅली काढण्यात आली नव्हती. तसेच रॅली काढण्यासाठी जे नियम घालून दिले होते. त्याची अमलबजावणी करण्यात आली नाही. त्यामुळे या नेत्यांवर गुन्हे दाखल करण्यात आले आहेत. दिल्ली पोलिसांनी शेतकरी नेते राकेश टिकैत, डॉ. दर्शनपाल, जोगिंदर सिंग, बुटा सिंग, बलबीर सिंग राजेवाल आणि राजेंद्र सिंग यांच्याविरोधात गुन्हे दाखल करण्यात आल आहेत. ही रॅली काढण्यासाठी या नेत्यांची सरकार आणि पोलिसांशी वारंवार चर्चा झाली होती. त्यात त्यांना काही नियम घालून देण्यात आले होते. या सर्व नेत्यांनी एनओसींवर सही केली होती. त्यामुळे त्यांच्याविरोधात गुन्हे दाखल करण्यात आले आहेत.

काय घडलं होतं रॅलीत?

काल मंगळवारी शेतकऱ्यांनी दिल्लीत ट्रॅक्टर रॅलीचं आयोजन केलं होतं. शेतकऱ्यांना रॅलीसाठी जो मार्ग आखून दिला होता. त्या मार्गावरून शेतकऱ्यांनी रॅली काढली नाही. शेतकऱ्यांनी वेगळ्याच मार्गाने रॅली काढली होती. शेतकऱ्यांचा एक जत्था गाजीपूर बॉर्डरवरून आयटीओला पोहोचला होता. हा जत्था लाल किल्यामध्ये जाण्याचा प्रयत्न करत होता. अक्षरधाम-नोएडा मार्गावर पोलिसांनी त्यांना रोखण्याचा प्रयत्न केला. आंदोलकांना आऊटर रिंगरोडवरून जाण्यास परवानगी देण्यात आली होती. मात्र, या मार्गाने न जाता आंदोलकांनी दिल्लीत घुसण्याचा प्रयत्न केला. त्यामुळे पोलिसांनी त्यांना रोखण्याचा प्रयत्न केला. यावेळी पोलीस आणि शेतकरी यांच्यात शाब्दिक चकमक उडाली. याच दरम्यान शेतकऱ्यांमधून पोलिसांच्या दिशेने दगडफेक सुरू झाली. ही दगडफेक सुरू होताच पोलिसांनीही शेतकऱ्यांवर लाठीचार्ज सुरू केला. त्यामुळे शेतकरी अधिकच आक्रमक झाले. शेतकऱ्यांनी पोलिसांच्या बॅरिकेट्स तोडल्या. शेतकऱ्यांनी काही वाहनांची तोडफोडही केली. परिणामी पोलिसांना अश्रूधुराच्या नळकांड्या फोडून जमावाला पांगवण्याचा प्रयत्न करावा लागला. (Delhi Police FIR names Rakesh Tikait, others for Jan 26 violence)

VIDEO: Headlines | हेडलाईन्स | 10 PM | 26 January 2021https://t.co/AwYto4deTV#Headlines

— TV9 Marathi (@TV9Marathi) January 26, 2021

संबंधित बातम्या:

“हिंसाचारात भाजप सामील असल्याचा अपप्रचार, केंद्राला जबाबदार धरणं चुकीचं”

आशिष शेलार साहेब, खरं सांगा दीप सिद्धू तुमचे कोण?; मिटकरींचा सवाल

दिल्ली हिंसाचारात ज्याचं नाव समोर येतंय तो लक्खा सिधाना कोण आहे?

(Delhi Police FIR names Rakesh Tikait, others for Jan 26 violence)