Abortion Kits Seized : नवरात्रौत्सवाआधी 92 लाख गर्भपाताचे किट जप्त, मोठ्या कारस्थानाचा संशय, भाजप आमदाराकडून चौकशीची मागणी
Abortion Kits Seized : नवरात्रीच्या आधी गर्भपाताच्या किटचा मोठा साठा जप्त करण्यात आला आहे. गर्भपाताच्या औषधांचा पुरवठा कुठून झाला आणि ते कुठे-कुठे पाठवले जाणार होते, त्याचा शोध घेत आहोत असं कलेक्टर शिवम वर्मा यांनी सांगितलं.
गणेशोत्सवानंतर आता नवरात्रौत्सवाचे वेध लागले आहेत. नवरात्रीच्या आधी इंदोरमधून गर्भपाताच्या किटचा मोठा साठा जप्त करण्यात आला आहे. मध्य प्रदेशात इंदूरला मिनी मुंबई म्हणतात. औषध विभागाने 19 हजारापेक्षा जास्त किट जप्त केले. त्याची किंमत 92 लाख रुपयाच्या घरात आहे. इतक्या मोठ्या प्रमाणात गर्भपाताचे किट जप्त झाल्याने सप्लाय कुठून होतोय हा प्रश्न उपस्थित झाला आहे. भाजप आमदार उषा ठाकूर यांच्या मते हे सगळं प्रकरण गंभीर आहे. संपूर्ण नेटवर्कच्या चौकशीची मागणी होत आहे. गर्भपाताच्या औषधांचा पुरवठा कुठून झाला आणि ते कुठे-कुठे पाठवले जाणार होते, त्याचा शोध घेत आहोत असं कलेक्टर शिवम वर्मा यांनी सांगितलं.
इंदूरमध्ये गर्भपाताच्या किट विरोधात औषध विभागाने मोठी कारवाई केली आहे. कारवाई दरम्यान मोठ्या प्रमाणात गर्भापताचे किट जप्त करण्यात आले. जप्त केलेल्या किटची संख्या 19 हजारपेक्षा जास्त आहे. त्याची किंमत 92 लाखाच्या घरात आहे. विना परवानगी आणि नियम मोडून इतक्या मोठ्या प्रमाणात गर्भपात औषधांचा साठा केल्याने प्रशासनाने आता चौकशी सुरु केलीय. इतका औषधांचा साठा आला कुठून आणि इंदूरमध्ये तो कुठे-कुठे पाठवला जाणार होता? याचा शोध घेतला जात आहे.
आधीच टीप मिळाली होती
भाजपं आमदार उषा ठाकूर यांनी यावरुन अनेक प्रश्न उपस्थित केलेत. डॉक्टरांच्या चिठ्ठीशिवाय अशी औषधं विकली जात असतील आणि त्याचा साठा सापडणं हे सामान्य काळाबाजाराचा प्रकरण वाटत नाही. त्यांनी संपूर्ण सप्लाय नेटवर्कची सखोल चौकशी करुन दोषींविरुद्ध कठोर कारवाईची मागणी केली आहे.
आधीच टीप मिळाली होती. त्या आधारावर प्रशासनाच्या टीमने ही कारवाई केली. बेकायद गर्भपाताचे किट जप्त केले. आता प्रशासन ही औषधं कुठून आली त्याचा शोध घेतय. जे लोक या प्रकरणात दोषी आढळतील, त्यांच्या विरुद्ध कायदेशीर कारवाई केली जाईल असं कलेक्टर शिवम वर्मा यांनी सांगितलं.
