कमी दाबाचा पट्टा तयार, देशातील या दोन राज्यांना मुसळधार पावसाचा इशारा

Rain Alert, IMD Weather Update 24 July: महाराष्ट्रात पुढील तीन ते चार दिवस मान्सून सक्रीय राहणार आहे. पुणे घाटमाथा येथे हवामान खात्याने रेड अलर्ट दिला आहे. तर कोकण, नाशिक, सातारा घाटमाथ्यासाठी यलो अलर्ट जारी करण्यात आला आहे. दक्षिण पूर्व राजस्थानात कमी दाबाचे क्षेत्र तयार झाल्याने महाराष्ट्र आणि गुजरात येथे जोरदार पावसाचा अंदाज हवामान खात्याने व्यक्त केला आहे. शुक्रवारी मध्य महाराष्ट्रात खूप जादा मुसळधार पावसाचा इशारा देण्यात आला आहे. उत्तर पश्चिम भारतात २४ ते ३० जुलै दरम्यान हिमाचल प्रदेश, जम्मू काश्मीर, लडाख, उत्तराखंड येथे मोठ्या प्रमाणात पावसाचा अंदाज वर्तवण्यात आला आहे.

दक्षिण पूर्व राजस्थानात कमी दाबाचा पट्टा तयार झाला आहे.यामुळे गुजरात येथे २४ आणि २५ जुलै रोजी काही ठिकाणी खूप जास्त मुसळधार पाऊस होण्याचा अंदाज वर्तवण्यात आला आहे. आज मध्य महाराष्ट्रात देखील मुसळधार पावसाचा इशारा देण्यात आला आहे.

दक्षिण पूर्व राजस्थानात कमी दाबाचा पट्टा तयार झाला आहे.यामुळे गुजरात येथे २४ आणि २५ जुलै रोजी काही ठिकाणी खूप जास्त मुसळधार पाऊस होण्याचा अंदाज वर्तवण्यात आला आहे. आज मध्य महाराष्ट्रात देखील मुसळधार पावसाचा इशारा देण्यात आला आहे.

गोवा, गुजरात, सौराष्ट्र आणि महाराष्ट्रात धुँवाधार

संपूर्ण पश्चिम भारतातील राज्यात येत्या एक आठवडाभर पावसाचा इशारा देण्यात आला आहे. २४ ते ३० जुलै दरम्यान, कोकण, गावा येथे २४ ते २५ जुलै दरम्यान मध्य महाराष्ट्रात, २४ ते २८ जुलै दरम्यान गुजरातमध्ये , २४ – २६ जुलै दरम्यान सौराष्ट्र आणि कच्छमध्य खूप जास्त मुसळधार पाऊस पडणार आहे. २६ ते ३० जुलै दरम्यान मध्य महाराष्ट्र, २४ ते ३० जुलै दरम्यान मराठवाडा, २९ ते ३० जुलै दरम्यान गुजरात, २७ ते ३० दरम्यान सौराष्ट्र आणि कच्छमध्ये पाऊस होणार आहे. २४ ते २७ जुलै दरम्यान, गुजरात, सौराष्ट्र, कच्छमध्ये अनेक ठिकाणी वादळी वाऱ्यासह जोरदार पाऊस होणार आहे.