मोठी बातमी! अमेरिका इराणसोबत भांडणात गुंतलेली असतानाच भारताच्या शेजारी देशात थेट अणू क्रांती, रशियाचा मोठा खेळ

एकीकडे इराण अमेरिका आणि इस्त्रायल युद्धात गुतंलेले आहेत. अमेरिका आणि इराणमध्ये जरी युद्धविराम झाला असला तरी देखील मध्य पूर्वेतील तणाव अजूनही काही कमी झालेला नाही, स्ट्रेट ऑफ होर्मूज व्यापारी जहाजाच्या वाहतुकीसाठी बंद आहे. स्ट्रेट ऑफ होर्मूज बंद असल्यामुळे संपूर्ण जगावर मोठं ऊर्जा संकट निर्माण झालं आहे. स्ट्रेट ऑफ होर्मूज पुन्हा कधी सुरू होणार? याकडे संपूर्ण जगाचं लक्ष लागलं आहे. इराण अण्वस्त्रांची निर्मिती करतो, असा अमेरिकेला संशय असल्यामुळे अमेरिका आणि इस्त्रायलने 28 फेब्रुवारी रोजी इराणवर हल्ला केला होता, या युद्धामध्ये इराण पूर्णपणे उद्ध्वस्त झाला आहे. तर दुसरीकडे इराणच्या हल्ल्यांमध्ये देखील अमेरिका आणि इस्त्रायलचं प्रचंड नुकसान झालं. हे युद्ध सुरू असतानाच आता एक मोठी बातमी समोर आली आहे.

बांगलादेशने मंगळवारी अणु ऊर्जा उत्पादन क्षेत्रात आपलं पहिलं पाऊल टाकलं आहे. मंगळवारपासून बांगलादेशमधील रुपपूर येथील अणूऊर्जा प्रकल्पातील VVER-1200 अणुभट्टीमध्ये इंधन भरण्यास सुरुवात झाली आहे. यासाठी बांगलादेशने रशियाची मदत घेतली आहे. हे रशियाचं अद्ययावत ‘प्रेशराइज्ड वॉटर रिअॅक्टर’ तंत्रज्ञान असून, भारत देखील आपल्या भविष्यातील अणु ऊर्जा प्रकल्पांसाठी विशेषतः कुडनकुलम येथील प्रकल्पासाठी या तंत्रज्ञानाचा विचार करत आहे.

टाइम्स ऑफ इंडियाने दिलेल्या माहितीनुसार बांगलादेशची राजधानी ढाकापासून या अणु ऊर्जा प्रकल्पाचं अंतर 160 किलोमीटर एवढं आहे. बांगलादेशने अणु ऊर्जा उत्पादन क्षेत्रात आता आपलं पहिलं पाऊल टाकलं आहे. रशियाच्या मदतीने त्यांनी हा प्रकल्प सुरू केला आहे. मंगळवारपासून अणुभट्टीमध्ये इंधन भरण्यास देखील सुरुवात झाली आहे. 2.4 गीगा व्हॅट एवढी या संयंत्राची क्षमता आहे. यामुळे देशाला जेवढ्या ऊर्जेची गरज आहे, त्यातील 10-12 टक्के ऊर्जेची गरज यातून पूर्ण होणार आहे. बांग्लादेश या अणु ऊर्जेचा वापर हा वीज निर्मिती करण्यासाठी करणार आहे, यातून कोणत्याही प्रकारची शस्त्रास्त्र विकसीत केली जाणार नाहीयेत. 2027 पर्यंत हा प्रकल्प पूर्ण क्षमतेनं सुरू होण्याचा अंदाज व्यक्त केला जात आहे.