भाजपाकडून ३० वर्षाच्या युवतीला अचानक ऑफर, विधानसभा लढवा, तरुणीच्या समर्थनार्थ लोकांचीही रांग

अहमदाबाद : गुजरात राज्यात सध्या विधानसभेचे वारे वाहत आहेत. अशातच अहमदाबादमधील नरोदा पाटीया विधानसभेसाठी पायल कुकरानी या अवघ्या ३० वर्षाच्या युवतीला भाजपाने अचानक तिकीट दिलं, यानंतर तिच्या समर्थनार्थ घरासमोर लोकांची रांग लागली, लोक विचारु लागले, पायल कुठे आहेत. पायल हॉस्पिटलला होती आणि तिला अचानक बातमी आली की, तुला भाजपाने विधानसभा तिकिट दिलं आहे.कुकरानी या राजकारणात नवीन आहेत, तरी देखील त्यांना तिकीट का मिळालं, याचं उत्तर पायल यांनी दिलं आहे, पायल म्हणतात मला माहित नाही, मला आताच माहिती मिळाली आहे.

पायल यावर आणखी बोलताना म्हणते, मला माहित आहे, नरोदा पाटीया हा भाजपाचा गढ आहे, म्हणून या विधानसभेत भाजपा उमेदवाराचा विजय निश्चित असतो.विशेष म्हणजे मला याच विधानसभेतून भाजपाने तिकीट दिलं, हे माझ्यासाठी आश्चर्य़ाचा धक्का देण्यासारखं आहे.

२००२ मध्ये पायल कुकरानीचे वडील मनोज कुकरानी यांच्यावर नरोदा पाटीया जनसंहार केल्याचा आरोप आहे, त्यात त्यांना जन्मठेपेची शिक्षा झालेली आहे.

मनोज कुकरानी देखील यावेळी उपस्थित होते, ते सध्या आरोग्याच्या कारणावरुन जेलमधून बाहेर आहेत. नरोदा पाटीयामध्ये २८ फेब्रुवारी २००२ रोजी ९७ अल्पसंख्यांकाची दंगलखोरांनी हत्या केली होती.

तुमचे वडील मनोज कुकरानी यांना नरोदा पाटीया हत्याकांडात जन्मठेपेची शिक्षा दिली आहे, तुम्ही या घटनेला आपल्या परिवारासोबत जोडलं जातं, ते कसं पाहता किंवा काय विचार करतात.

पायल कुकरानी यांनी यावर म्हटलं आहे, प्रत्येक व्यक्तीचा आणि प्रत्येक परिवाराचा एक भूतकाळ असतो. माझ्या परिवारासोबतही एक भूतकाळ जोडला गेला आहे. मला वाटतं मी तरुण आहे, डॉक्टर आहे, लोकांच्या सेवेत असते, यावेळी भाजपाने अधिक तरुण लोकांना तिकिट देण्याचं ठरवलं आहे, म्हणून मला ही संधी मिळाली आहे.

पायल कुकरानी यांच्यासोबत यावेळी सध्याचे आमदार बलराम थवानी हे देखील उपस्थित होते.बलराम थवानी यांनी सांगितलं की,नरोदा पाटीया प्रकरणात मनोज कुकरानी आणि त्यांच्यासारखे अनेक लोक निर्दोष आहेत.स्थानिक लोकांना सर्वकाही माहित आहे, मनोज यांच्यावर ९० दिवसांनी एफआयआर झाली आहे.