Petrol Diesel Price : पेट्रोल-डिझेल, गॅस सिलेंडर, महागाईच्याविरोधात मोदी सरकारचे तीन मोठे निर्णय

पेट्रोल डिझेलच्या किमती कमी करण्यासाठी केंद्र सरकारचा मोठा निर्णय

नवी दिल्ली : देशवासियांना लवकरच मोठा दिसाला देण्याच्या तयारीत केंद्र सरकार (Central Government) आहे. इंधन दरवाढीमुळे हैराण झालेल्या नागरिकांसाठी केंद्र सरकार महत्वाचा निर्णय घेणार आहे. लवकरच इंधनाचे दर (Fuel Price) कमी होणार आहेत. तशी घोषणा केंद्रीय अर्थमंत्री निर्मला सीतारामण (Nirmala Sitaraman) यांनी केलीय. केंद्र सरकारच्या या निर्णयामुळे सर्वसामान्य नागरिकांना मोठा दिलासा मिळणार आहे. पेट्रोल-डिझेल आणि गॅसच्या किमतींमध्ये मोठी वाढ झाल्यामुळे महागाईच्या झळा सर्वसामान्यांना सोसाव्या लागत होत्या. आता केंद्राच्या या निर्णयामुळे सामान्य नागरिक आणि गृहिणींना मोठा दिलासा मिळणार आहे.

केंद्र सरकारचा नेमका निर्णय काय?

पेट्रोलवरील केंद्रीय उत्पादन शुल्क प्रति लिटर 8 रुपये आणि डिझेलवरील केंद्रीय उत्पादन शुल्क प्रति लिटर 6 रुपयाने कमी होणार आहे. त्यामुळे पेट्रोलचे दर प्रतिलिटर 9.5 रुपये तर डिझेलचा दर प्रति लिटर 7 रुपयांनी कमी होण्याची शक्यता आहे. तशी माहिती केंद्रीय अर्थमंत्री निर्मला सीतारामण यांनी दिली आहे. त्यामुळे देशवासियांना मोठा दिलासा मिळण्याची शक्यता आहे. इतकंच नाही तर घरगुती गॅससाठीही केंद्र सरकारकडून 200 सबसिडीची घोषणा करण्यात आली आहे.

पेट्रोलचे आजचे दर (महत्वाची शहरे)

मुंबई – 120.51
पुणे – 120.72
नाशिक – 120.31
नागपूर – 120.73
परभणी – 122.03
औरंगाबाद – 120.79
कोल्हापूर – 120.81
रत्नागिरी – 121.80

पेट्रोल उत्पादन शुल्क कमी केल्यानंतरचे संभाव्य दर (महत्वाची शहरे)

मुंबई – 111.01
पुणे – 111.22
नाशिक – 110.81
नागपूर – 111.23
परभणी – 112.53
औरंगाबाद – 111.29
कोल्हापूर – 111.31
रत्नागिरी – 112.03

घरगुती गॅसबाबतही सरकारचा मोठा निर्णय

पंतप्रधान उज्ज्वला योजनेच्या लाभार्थ्यांना 200 रुपये प्रति गॅस सिलिंडर प्रमाणे वर्षाला 12 सिलिंडरला सबसिडी मिळणार आहे. तशी माहिती केंद्र सरकारकडून देण्यात आलीय. केंद्रीय अर्थमंत्री निर्मला सीतारामण यांनी ही घोषणा केली आहे. आम्ही पंतप्रधान उज्ज्वला योजनेच्या 9 कोटीपेक्षा अधिक लाभार्थ्यांना 200 रुपये प्रति गॅस सिलिंडर (12 सिलिंडर) सबसिडी दिली जाणार. यामुळे आमच्या माता-भगिनींना मदत मिळेल, असं सीतारामण म्हणाल्या.