CJP Delhi Protest : शरद पवार अभिजित दीपकेंना भेटले, म्हणाले काय मदत पाहिजे? जंतर मंतरवर काय घडलं?
पवार यांनी दीपके यांची भेट घेतली. त्यानंतर दीपके यांनी सध्या आंदोलनाची काय स्थिती आहे, याची माहिती पवार यांना दिली. सोनम वांगचुक यांच्यावर उपचार सुरू आहे. त्यांना एका प्रकारे नजरकैदेत ठेवलं आहे. आमच्या मागण्या आहेत विद्यार्थ्यांविरोधातील गुन्हे मागे घ्यावेत, असं दीपके यांनी सांगितले.
Sharad Pawar Meets Abhijeet Dipke : सीजेपीच्या आंदोलनामुळे राजधानी दिल्लीतील वातावरण चांगलेच ढवळून निघाले आहे. सीजेपीच्या 20 जुलै रोजीच्या संसद मार्चनंतर हे आंदोलन संपून जाईल, असे म्हटले जात होते. परंतु आता जोपर्यंत केंद्रीय शिक्षणमंत्री धर्मेंद्र प्रधान यांचा राजीनामा होत नाही, तोपर्यंत आमचे आंदोलन चालूच राहील, अशी भूमिका सीजेपीचे संस्थापक अभिजित दीपके यांनी स्पष्ट केली. त्यानंतर आज पुन्हा एकदा सीजेपीचे आंदोलन जंतर-मंतरवर सुरूच आहे. दरम्यान, या आंदोलनात आता विरोधी पक्षदेखील सहभागी होत आहेत. एकीकडे लोकसभेचे विरोधी पक्षनेते राहुल गांधी, प्रियंका गांधी हे अभिजित दीपके यांची भेट घेणार आहेत. तर दुसरीकडे खासदार सरद पवार हे दीपके यांच्या भेटीला पोहोचले आहेत. अभिजित दीपके आणि पवार यांच्यात संवाद झाला आहे.
नेमका काय संवाद झाला?
पवार यांनी दीपके यांची भेट घेतली. त्यानंतर दीपके यांनी सध्या आंदोलनाची काय स्थिती आहे, याची माहिती पवार यांना दिली. सोनम वांगचुक यांच्यावर उपचार सुरू आहे. त्यांना एका प्रकारे नजरकैदेत ठेवलं आहे. आमच्या मागण्या आहेत विद्यार्थ्यांविरोधातील गुन्हे मागे घ्यावेत. धर्मेंद्र प्रधान यांचा राजीमाना झाला पाहिजे. आत्महत्या करण्यात आलेल्या कुटुंबीयांना प्रत्येकी 1 कोटी रुपये द्यावे. सर्व आंदोलकांवरील देशातील एफआयआर मागे घ्या. तसेच वांगचुक यांना सोडा, अशा आमच्या मागण्या असल्याची माहिती दीपके यांनी पवार यांना दिली.
आणखी किती दिवस आंदोलन करणार
तसेच यावेळी पवार यांनी तुम्हाला काय मदत हवी आहे, अशी विचारणा केली. त्यावर सर आम्हाला मदतीची गरज नाही. जे काही लागेल ते मी अनिशला सांगतो, असे सांगितले. त्यानंतर पवार यांनी आंदोलन आणखी किती दिवस करणार, असा प्रश्न विचारला. त्यावर बोलताना आम्ही 31 दिवसांपासून इथेच आहोत. एक महिना झाला. काल जे झालं त्यामुळे सरकारचा राग आला आहे. आम्ही काय मागत होतो. आम्ही फक्त धर्मेंद्र प्रधानचा राजीनामा मागत होतो, असं दीपके म्हणाले.
विद्यार्थ्यांबाबत शरद पवार अत्यंत चिंतीत होते
तसेच यावेळी महाराष्ट्रातील विरोधक पहिल्या दिवसापासून आमच्यासोबत आहेत. शरद पवार असो की उद्धव ठाकरे सर्व सोबत आहेत. शरद पवार यांनी विद्यार्थ्यांबाबत विचारलं. सुप्रिया सुळेंनी फोन केला होता. इथे बॅरिकेड्स आहेत. त्यामुळे पवार साहेबांना आम्ही आत घेऊन जाऊ शकत नाही. विद्यार्थ्यांबाबत शरद पवार अत्यंत चिंतीत होते. सर्वच लोक येतील. अनेक लोक येऊन गेले, असेही दीपके यांनी माध्यमांना सांगितले.
