सोनिया गांधी यांची प्रकृती अचानक बिघडली, दिल्लीच्या रुग्णालयात दाखल
सोनिया गांधी यांची अचानक तब्येत बिघडल्यामुळे त्यांना रुग्णालयात दाखल करण्यात आले आहे. त्यांची तब्येत स्थिर असल्याची माहिती एका वेबसाईटने दिली आहे.
नवी दिल्ली : काँग्रेस संसदीय पक्षाच्या अध्यक्षा सोनिया (sonia gandhi) गांधी यांची प्रकृती अचानक बिघडली, त्यांना ताप आल्यामुळे उपचारासाठी दिल्लीतील सर गंगाराम (sir gangaram hospital) रुग्णालयात दाखल करण्यात आलं आहे. तिथल्या डॉक्टरांनी त्यांना त्यांच्या निगराणी खाली ठेवले आहे. सुत्रांनी दिलेल्या माहितीनुसार त्यांची प्रकृती सध्या स्थिर आहे. याच्याआगोदर सुध्दा सोनिया गांधी यांची तब्येत अनेकदा बिघडली आहे. मागच्या दोन महिन्यापूर्वी ज्यावेळी त्यांची तब्येत बिघडली होती, त्यावेळी सुध्दा त्यांना जवळच्या सर गंगाराम रुग्णालयात दाखल करण्यात आलं होतं. रुग्णालया बाहेर पोलिसांनी (delhi police) तगडा बंदोबस्त ठेवला आहे.
देशात सध्या लोकसभा निवडणुका होण्याची चिन्हं दिसत आहेत. देशात ज्या पद्धतीने सध्या राजकीय घडामोडी घडत आहेत. त्याचा विचार करता देशात लोकसभा निवडणुका लवकरचं होणार आहेत. सोनिया गांधी या मागच्या महिन्यांपासून पुन्हा राजकीय बैठकांना उपस्थित राहत आहेत. काही दिवसांपूर्वी मुंबईत २८ पक्षांच्या बैठकीला सुध्दा त्यांनी हजेरी लावली होती. त्यावेळी राहूल गांधी त्यांच्यासोबत होते. राहूल गांधी यांच्यासोबत देशातील काही महत्त्वाचे नेते सुध्दा पाहायला मिळाले होते. याच्या आगोदर विरोधकांच्या झालेल्या बैठकांना सोनिया गांधी यांनी हजेरी लावली होती.
