Video : आणि मृत्यूच्या दाढेतून तो सहीसलामात सुटला, ITBP चे जवान देवदूत ठरले, पाहा तो क्षण व्हिडीओतून
मृत्यूचं तांडव झालेलं असतानाच काही जणांचं मात्र दैव बलवत्तर म्हणून जीव वाचलेला दिसतो आहे. (Uttarakhand Joshimath Dam rescue one person)
उत्तराखंड: देव तारी त्याला कोण मारी. देवभूमी उत्तराखंडमध्ये आज पुन्हा एकदा हिमकडा कोसळून हाहाकार माजला आहे. मृत्यूचं तांडव झालेलं असतानाच काही जणांचं मात्र दैव बलवत्तर म्हणून जीव वाचलेला दिसतो आहे. त्यातच आपल्या ITBP जवानांनी एकाला जिवंत बाहेर काढण्यात यश मिळवलय. तपोवन डॅमच्या जवळ एका टनेलमध्ये नदीतून वाहून आलेल्या गाळात एक जण गाडला गेलेला होता. त्याला सहीसलामत बाहेर काढण्यात यश आलं. जसाही तो मृत्यूच्या कवेतून बाहेर आला त्यावेळेस त्याचा आनंद पहाण्यासारखा होता. तो क्षणही कॅमेऱ्यात कैद झाला आहे. जसं तांडवाचा क्षण कैद झाला तसा हा जीवंतपणाची आशा घेऊन आलेलाही झाला आहे. (Uttarakhand Joshimath Dam ITBP personnel rescue one person who trapped in tunnel)
#WATCH | Uttarakhand: ITBP personnel rescue one person who was trapped in the tunnel near Tapovan dam in Chamoli.
Rescue operation underway.
(Video Source: ITBP) pic.twitter.com/RO91YhIdyo
— ANI (@ANI) February 7, 2021
नेमकं काय घडलं?
उत्तराखंडच्या जोशीमठ तालुक्यात अत्यंत दुर्देवी घटना घडली आहे. जोशीमठात मोठा हिमकडा कोसळल्याने धौली गंगा नदीला महापूर आला आहे. त्यामुळे पाण्याच्या प्रचंड प्रवाहाबरोबर अनेकजण वाहून गेल्याची भीती वर्तवण्यात येत आहे. त्यामुळे जोशीमठ तालुक्यात अलर्ट जारी करण्यात आला आहे.
आज सकाळी 10.55 वाजता ही दुर्घटना घडली. जोशीमठ तालुक्यातील रैणी गावात हिमकडा कोसळला. त्यामुळे या धौली गंगा नदीला महापूर आला आहे. त्यातच या धरणाचा कडाही तुटल्याने या ठिकाणी पाणीच पाणी झाले असून अनेक घरे आणि माणसे वाहून गेले आहेत. निसर्गाच्या या प्रकोपामुळे उत्तराखंडमध्ये एकच हाहाकार माजला असून या ठिकाणी अॅलर्ट जारी करण्यात आला आहे.
गावंच्या गावे वाहून गेली?
मोठा हिमकडा कोसळून नदीला महापूर आल्याने पुराचे पाणी घराघरात शिरले आहे. त्यामुळे धरणाजवळची अनेक गावं या पुरात वाहून गेली आहेत. तसेच माणसे, गुरेढोरेही वाहून गेली असून शेतीचंही मोठं नुकसान झाल्याचं वृत्त आहे. या ठिकाणी प्रशासानाचे कर्मचारी आणि रेस्क्यु ऑपरेशन टीम पोहोचली असून युद्धपातळीवर रेस्क्यु ऑपरेशन सुरू आहे. (Uttarakhand Joshimath Dam ITBP personnel rescue one person who trapped in tunnel)
संबंधित बातम्या :
Uttarakhand Chamoli Glacier burst LIVE: 150 जण बेपत्ता, 10 मृतदेह हाती, बचावकार्य सुरु
Uttarakhand Joshimath Dam: देवभूमीतील प्रकोपात 100 ते 150 लोक दगावले; अमित शहांकडून मदतीचं आश्वासन
