कोण आहे मुकेश अंबानी यांचा भाचा विक्रम साळगावकर? प्रसिद्धी पासून राहतात लांब

vikram salgaocar : भारतातील सर्वात श्रीमंत कुटुंबांमध्ये अंबानी यांचा नंबर लागतो. अंबानी यांच्या कुटुंबातील मोजक्याच लोकांची जगाला माहिती आहे. पण अनेक जण असेही आहेत ज्यांना प्रसिद्धीच्या झोतात राहायला आवडत नाही. अंबानी कुटुंबाचा उल्लेख होतो तेव्हा लोक धीरूभाई अंबानी, अनिल अंबानी, मुकेश अंबानी आणि नीता अंबानी यांची नावे घेतात. ईशा अंबानी, आकाश आणि अनंत अंबानी देखील अनेकदा चर्चेत असतात. पण त्यांच्या कुटुंबात आणखी एक व्यक्ती आहे ज्याचे नाव विक्रम साळगावकर आहे.

मुकेश अंबानी यांचा भाचा

विक्रम साळगावकर हे मुकेश अंबानी आणि अनिल अंबानी यांच्या बहिणीचा मुलगा आहे. मुकेश आणि अनिल यांना दोन बहिणी आहेत. दीप्ती साळगावकर आणि नीना कोठारी. विक्रम साळगावकर हे दीप्ती आणि दत्तराज साळगावकर यांचे पुत्र आहेत.

विक्रम, ईशा, अनंत आणि आकाश हे धीरूभाई अंबानी यांचे नातू आहेत. विक्रमच्या कुटुंबाकडे व्हीएम साळगावकर ग्रुप ऑफ कंपनीज आहे. ही कंपनी प्रामुख्याने लोहखनिज, कोळसा आणि पवन ऊर्जेचा व्यवसाय करते.

विक्रम साळगावकर काय करतात?

विक्रम व्हीएम हे साळगावकर हॉटेल्स अँड रिसॉर्ट्स प्रायव्हेट लिमिटेडचे ​​संचालक म्हणून कार्यरत आहेत. त्यांनी 2007 मध्ये मॅकिन्से अँड कंपनीमधून आपल्या करिअरला सुरुवात केली. त्यांनी रिलायन्स एंटरटेनमेंटमध्ये बिझनेस डेव्हलपमेंट मॅनेजर म्हणूनही काम केले आहे. त्यांनी पेनसिल्व्हेनिया विद्यापीठातून बीबीएची पदवी घेतली आहे. विक्रम अमेरिका आणि भारत या दोन्ही ठिकाणी आपला व्यवसाय चालवतो.

साळगावकर कुटुंब गोव्याचा सांस्कृतिक वारसाही जपतात. दत्तराज साळगावकर यांच्या पत्नी दीप्ती या गोव्याचा वारसा जतन करण्याच्या उद्देशाने ‘सुनापरांत’ मिशन चालवतात. त्या ‘सुनापरांत, गोवा आर्ट सेंटर’च्या उपाध्यक्षा आणि सल्लागार मंडळाच्या सदस्याही आहेत.