Aamir Khan: आमिर खान, पूर्व पत्नी किरण राव भावूक, मुलाच्या डोळ्यात अश्रू; नेमकं झालं तरी काय?
Aamir Khan: अभिनेता आमिर खान, त्याची पूर्व पत्नी किरण राव आणि या दोघांचा मुलगा आझाद यांचा एक व्हिडीओ सध्या सोशल मीडियावर चर्चेत आला आहे. या व्हिडीओमध्ये तिघंही अत्यंत भावूक झाल्याचं पहायला मिळतंय.
अभिनेता आमिर खान त्याची पूर्वाश्रमीची पत्नी किरण राव आणि मुलगा आझाद यांच्यासोबत मुंबईतील एका पाळीव प्राण्यांच्या क्लिनिकबाहेर दिसला. यावेळचे त्यांचे फोटो आणि व्हिडीओ पाहून चाहतेही चिंतेत पडले आहेत. यावेळी तिघंही अत्यंत भावूक दिसले. तर आमिर आणि किरण यांचा मुलगा आझाद अक्षरश: रडताना दिसला.
क्लिनिकमधून बाहेर पडताना आमिरच्या हातात पाळीव प्राण्यांसाठी वापरली जाणारी पेटी दिसली. आमिर आणि किरण खूपच व्यथित होते. तिघांना भावूक अवस्थेत पाहून नेटकऱ्यांनी असा अंदाज वर्तवला आहे की, आझादच्या पाळीव प्राण्यांपैकी एकाचा मृत्यू झाला असावा किंवा तो गंभीर आजारी असावा.
शनिवारी मुंबईत आमिर खान, किरण राव आणि त्यांचा मुलगा आझाद एका पेट क्लिनिकमधून बाहेर पडताना दिसले. पापाराझींनी त्यांना कॅमेऱ्यात कैद केलं. आमिरच्या हातात पाळीव प्राण्यांची पेटी होती आणि संपूर्ण कुटुंब तणावात असल्याचं स्पष्टपणे दिसत होतं.
आझादला रडताना पाहून चाहतेही खूप व्यथित झाले. या व्हिडीओची सोशल मीडियावर जोरदार चर्चा सुरू झाली. 'त्यांचा पाळीव श्वान किंवा मांजर आजारी असेल बहुतेक', असं एकाने लिहिलं. तर 'कदाचित त्यांच्या पाळीव प्राण्यांपैकी एकाचा मृत्यू झाला असावा', असा अंदाज दुसऱ्या युजरने व्यक्त केला.
या व्हिडीओवर विविध प्रतिक्रिया येत असून आमिर खान किंवा किरण राव यांच्याकडून कोणतंही अधिकृत निवेदन आलेलं नाही. एखाद्या पाळीव प्राण्यासोबत घट्ट भावनिक नातं निर्माण झाल्यानंतर जेव्हा तो कायमचा निघून जातो किंवा त्याला त्रास होतो, तेव्हा ते दु:ख मुलांना सहन करणं अत्यंत कठीण असतं. आझादच्या बाबतीतही असंच काहीसं घडल्याचं म्हटलं जात आहे.
