Dhurandhar 2 : धुरंधर 2 मध्ये ‘तारक मेहता’ मधील एका कलाकाराचा जलवा, Acting मध्ये रणवीर सिंह, संजय दत्तवर पडला भारी
Dhurandhar 2 Actor : रणवीर सिंहचा चित्रपट धुरंधर 2 ची थिएटरमध्ये जबरदस्त कमाई सुरु आहे. चित्रपटातील सर्वच कलाकारांच्या रोलचं कौतुक होतय. यात एक असाही अभिनेता आहे, ज्याने तारक मेहता का उल्टा चश्मा शो मध्ये सुद्धा काम केलं आहे.
रणवीर सिंहच्या धुरंधर 2 चित्रपटाची सध्या सगळीकडे चर्चा आहे. रिपोर्ट्सनुसार चित्रपटाने ओपनिंग डे च्या दिवशीच 250 कोटीचं कलेक्शन करुन इतिहास रचला आहे. या चित्रपटात रणवीर सिंहच्या अभिनयाचं जितकं कौतुक होतय. तितकच तारक मेहता का उल्टा चश्मा या शो मध्ये काम करणाऱ्या एका कलाकाराचं कौतुक होतय.
हे फार कमी लोकांना माहितीय धुरंधर मधल्या या स्टार अभिनेत्याने तारक मेहता का उल्टा चश्मा शो मध्ये सुद्धा काम केलय. शो मध्ये त्यांनी तारक मेहताचे बॉस बाबूलालचो रोल प्ले केला होता. त्यांच्या कॉमिक टायमिंगने त्यांनी शो मध्ये सगळ्यांना हसवलं होतं.
धुरंधर 2 फिल्म बद्दल बोलायचं झाल्यास या चित्रपटाच्या पहिल्या पार्टने 1300 कोटी रुपयांची कमाई केली. आता फिल्मच्या दुसऱ्या पार्टचं पहिल्याच दिवशी वर्ल्डवाइड कलेक्शन 250 कोटी रुपयांच्या घरात गेलं आहे. चित्रपटात संजय दत्त, आर माधवन आणि अर्जुन रामपाल मुख्य रोलमध्ये आहेत.
आम्ही बोलतोय दिग्गज अभिनेता राकेश बेदीबद्दल. त्यांच्या अभिनयाबद्दल डाऊट नाही. दीर्घकाळापासून ते फिल्म इंडस्ट्रीचा भाग आहेत. पण कदाचितच या आधी राकेश बेदीच्या कुठल्या रोलची इतकी चर्चा झाली असेल, जितकी आता त्यांच्या धुरंधर मधल्या परफॉर्मन्सची होतेय.
धुरंधर 2 फिल्ममध्ये त्यांनी जमील जमाली नावाच्या एका पाकिस्तानी पॉलिटिशियनचा रोल प्ले केलाय. राकेश बेदीने आपल्या शानदार अभिनयाने कमाल केलीय. आता प्रत्येक ठिकाणी त्यांचं कौतुक सुरु आहे.
