Ajit Pawar : पुण्यात अजित पवार यांचे शक्तीप्रदर्शन, नेत्यांनी घेतला बाईक रॅलीचा आनंद
Ajit Pawar : राष्ट्रवादी काँग्रेसचे नेते शरद पवार राज्यात सर्वत्र सभा घेत आहेत. त्याला उत्तर देण्यासाठी आता अजित पवारही सक्रीय झाले आहे. अजित पवार यांनी रविवारी पुणे शहरात शक्तीप्रदर्शन केले. त्यानंतर ते कोल्हापुरातील उत्तर सभेसाठी रवाना झाले.
राष्ट्रवादी काँग्रेसमधील बंडानंतर शरद पवार सक्रीय झाले आहे. अजित पवार गटाला चेकमिट करण्याची संधी ते सोडत नाही. यामुळे आता अजित पवार यांनीही आपले शक्तीप्रदर्शन सुरु केले आहे. रविवारी पुणे शहरात अजित पवार यांनी रोड शो केला.
अजित पवार यांच्या गटाने काढलेल्या बाईक रॅलीत अजित पवार गटातील अनेक नेत्यांनी सहभाग घेतला. मंत्री धनंजय मुंडे आणि राष्ट्रवादी महिला काँग्रेसचे नेते रूपाली चाकणकर अजित पवार यांच्या रॅलीत दुचाकीवर बसून कार्यकर्त्यांना उत्साह वाढवला.
पुणे शहरातील कात्रज भागात अजित पवार यांची रॅली सुरु होती. त्यावेळी धनंजय मुंडे आणि रुपाली चाकणकर हे दोन्ही नेते दुचाकीवर बसले होते. शरद पवार यांनी बीडमध्ये सभा घेतल्यानंतर धनंजय मुंडे आता शरद पवार यांच्या पुण्यात आले.
रविवारी अजित पवार यांचा जंगी रोड शो पुण्यातून निघाला. या रोड शो च्या माध्यमातून अजित पवार गटाने आज जोरदार शक्ती प्रदर्शन केले. त्यामुळे आता राष्ट्रवादी काँग्रेसमधील दोन्ही गट सक्रीय झाल्याचे दिसून आले.
राष्ट्रवादी काँग्रेसचे नेते अजित पवार पुणे येथील रोड शो केल्यानंतर साताऱ्यात गेले. त्याठिकाणी यशवंतराव चव्हाण यांच्या समाधीचे दर्शन घेतले. त्यानंतर कोल्हापूर येथील सभेसाठी रवाना झाले. एकंदरीत पश्चिम महाराष्ट्रात आपली ताकद निर्माण करण्याचे काम अजित पवार यांनी केले आहे.
