Akola News : हैवानियत, पिकअप गाडी घरावर चढवून 75 वर्षाच्या आजीला मारलं, महाराष्ट्रातली धक्कादायक घटना
Pickup Vehicle Attack : अकोल्यातील जामवसु येथे जमिनीच्या वादातून गावकऱ्यांच्या अंगावर पिकअप गाडी घातल्याची धक्कादायक घटना घडली आहे.
एक पीकअप गाडी गावकऱ्यांच्या अंगावर घातल्याची घटना घडली आहे. अकोल्यातील जामवसुमध्ये जमिनीच्या वादातून ही घटना घडल्याची माहिती समोर आली आहे. या प्रकरणी आता बबन दादाराव घुगे, रश्मिका घुगे, सोनू घुगे या तीन आरोपींना पोलिसांनी अटक केली आहे, अशी माहिती अपर पोलिस अधिक्षक बी चंद्रकांत रेड्डी यांनी दिली आहे.
या घटनेत एका महिलेचा मृत्यू झाल्याचीही माहिती आहे. या महिलेचं वय 75 वर्ष आहे. तर इतर तीन जण जखमी झाले आहेत. यात तिन व्यक्ती जखमी झाले तिघांवर उपचार सुरु आहे.
दरम्यान, याघटनेवेळी संपूर्ण परिसरात खळबळ उडाली होती. सगळी लोकं सैरभैर पळत होती. यामध्ये लहान चिमुकलेही दिसून येत आहेत. या घटनेचा एक व्हिडिओही सोशल मीडियावर व्हायरल झाला आहे.
पीकअप गाडीने एका घराचंही नुकसान केल्याचं या व्हिडिओमध्ये दिसत आहे. भयावह प्रकाराने गावकऱ्यांमध्ये दहशतीचं वातावरण तयार झालं आहे.
दरम्यान, ही घटना सकाळच्या सुमारास घडली आहे. सकाळी 8 वा जगदीश जाधव आणि गणेश जाधव यांच्या घरावर बबन घुगे याने गाडी घातली. या दोघांमध्ये जमिनीवरुन आधीच वाद सुरु होता.
