Umpires Match Fees : क्रिकेट पंचांचा पगार किती वाढणार? BCCIचा मोठा निर्णय, एका सामन्यासाठी आता…
Umpires Fees : देशांतर्गत क्रिकेटमधील पंच आणि सामनाधिकाऱ्यांसाठी बीसीसीआयने मोठा निर्णय घेतल्याची माहिती आहे. आगामी २०२६-२७ हंगामापासून पंचांच्या मानधनात मोठी वाढ करण्यात येणार आहे.
बीसीसीआयने देशांतर्गत क्रिकेटमध्ये पंच आणि सामनाधिकारी यांच्या मानधनात वाढ करण्याचा मोठा निर्णय घेतला आहे. हा नवा नियम आगामी २०२६-२७ च्या देशांतर्गत क्रिकेट हंगामापासून देशभरात लागू होणार आहे, अशी माहिती समोर आली आहे.
बीसीसीआयने देशांतर्गत पंचांच्या मॅच फीमध्ये घसघशीत वाढ केली असून ती जवळपास दुप्पट केली आहे. सध्या देशातील टॉप २० पंचांना दिवसाला ४०,००० रुपये तर इतरांना ३०,००० रुपये मिळतात, ज्यात आता मोठी वाढ होईल
या नवीन निर्णयानुसार, आता देशांतर्गत पंचांची A, B, C आणि D अशा चार वेगवेगळ्या श्रेणींमध्ये विभागणी केली जाणार आहे. पंचांच्या कामगिरी आणि अनुभवानुसार त्यांना या श्रेणींमध्ये स्थान दिले जाईल आणि त्या आधारावरच मानधन ठरेल.
नवीन प्रणालीनुसार 'A' आणि 'B' श्रेणीतील पंचांना वरिष्ठ स्तरावरील महत्त्वाच्या देशांतर्गत स्पर्धांमध्ये पंचगिरी करण्याची संधी दिली जाईल. तर 'C' आणि 'D' श्रेणीतील पंच प्रामुख्याने कनिष्ठ स्तरावरील स्पर्धांमध्ये पंच म्हणून काम पाहतील.
या निर्णयात केवळ पंचांच्याच नाही, तर देशांतर्गत क्रिकेटमध्ये काम करणाऱ्या सामनाधिकाऱ्यांच्या मानधनातही वाढ करण्यात आली आहे. बीसीसीआयच्या या महत्त्वपूर्ण निर्णयामुळे भारतीय क्रिकेटमध्ये काम करणाऱ्या या अधिकाऱ्यांना मोठा आर्थिक फायदा होणार आहे.
