6.58 मिनिटांचं 40 वर्षांपूर्वीचं गाणं, जे पुन्हा-पुन्हा ऐकण्यासाठी आणि पाहण्यासाठी थिएटरमध्ये जायचे लोक, 15430000000 कोटी लोकांनी पाहिलं ते गाणं
बॉलिवूडमधील 40 वर्षांपूर्वीचं असं एक गाणं जे पुन्हा-पुन्हा ऐकण्यासाठी आणि पाहण्यासाठी लोक थिएटरमध्ये जायचे. या गाण्यामुळे अभिनेत्री एका रात्रीत बनली होती स्टार.
हिंदी चित्रपटसृष्टीत जेव्हा एखाद्या अशा लेडी सुपरस्टारचा उल्लेख केला जातो, जी केवळ आपल्या काळातीलच नाही तर नव्या पिढीतील कलाकारांसाठीही प्रेरणास्थान ठरली. यामध्ये सर्वप्रथम नाव घेतले जाते ते अभिनेत्री श्रीदेवी यांचे.
आपल्या अप्रतिम अभिनयाने, भावपूर्ण डोळ्यांनी आणि प्रभावी स्क्रीन प्रेझेन्सने त्यांनी प्रेक्षकांच्या मनावर अधिराज्य गाजवले. आज आपण त्यांच्या कारकिर्दीतील एका अशा गाण्याबद्दल जाणून घेणार आहोत ज्याने लोकप्रियतेचे सर्व विक्रम मोडले आणि ज्यामुळे त्यांची स्टारडम आणखी उंचावली.
साल 1986 मध्ये प्रदर्शित झालेला ‘नगीना’ हा चित्रपट त्या काळातील सर्वाधिक चर्चेत राहिलेल्या चित्रपटांपैकी एक ठरला. या चित्रपटाची कथा नाग-नागिन यांच्याभोवती फिरते. नागमणी मिळवण्याच्या हव्यासापोटी सपेरा नागिनच्या प्रेमी नागाचा वध करतो.
चित्रपट तयार होत असताना अनेकांनी त्याच्या अपयशाची भविष्यवाणी केली होती. मात्र प्रदर्शना नंतर परिस्थिती पूर्णपणे बदलली. सुमारे 2 कोटी रुपयांच्या बजेटमध्ये बनलेल्या या चित्रपटाने बॉक्स ऑफिसवर तब्बल 12 कोटी रुपयांची कमाई केली. हा चित्रपट त्या वर्षातील सर्वात मोठ्या हिट चित्रपटांपैकी एक ठरला.
‘नगीना’ चित्रपटातील ‘मैं तेरी दुश्मन, दुश्मन तू मेरा’ हे गाणे आजही प्रेक्षकांच्या स्मरणात आहे. लग्नसमारंभ, पार्ट्या, सांस्कृतिक कार्यक्रम सर्वत्र या गाण्याची धूम होती. शाळांमध्ये मुलं या गाण्यावर सादरीकरण करत असत.
आजही सोशल मीडियावर आणि यूट्यूबवर हे गाणे प्रचंड लोकप्रिय आहे. नवीन पिढीही तेवढ्याच आवडीने हे गाणे पाहते आणि ऐकते. आतापर्यंत या गाण्याला Youtube वर 15430000000 कोटींहून अधिक व्ह्जूय मिळाले आहे.
