Bollywood Actress : 12 वर्षाच्या मेहनतीला फळ आलं, ही मराठी अभिनेत्री वर्ष 2026 बॉलिवूडमध्ये आपल्या नावावर करणार
Bollywood Actress : बॉलीवूड फिल्म इंडस्ट्रीमध्ये मागच्या काही काळापासून एक मराठी अभिनेत्रीचं वजन वाढलं आहे. तिला बॅक टू बॅक चांगले प्रोजेक्टस मिळत आहेत. अभिनेत्री सुद्धा मिळालेल्या संधीचा फायदा उचलत आहे.
अभिनेत्री मृणाल ठाकूरला फिल्म इंडस्ट्रीमध्ये एक दशकापेक्षा जास्त काळ झालाय. या दरम्यान तिने अनेक छोट्या-मोठ्या प्रोजेक्टमध्ये काम केलं आहे. अनेक चित्रपटात लीड रोल न मिळूनही तिने आपल्या भूमिकेला न्याय दिलाय.
इतक्या वर्षाच्या मेहनतीचा परिणाम हा आहे की तिच्या झोळीत अनेक चित्रपट आहेत. तिला लीड रोल्स सुद्धा मिळाले आहेत. 'दो दीवाने' हा चित्रपट शहरात रिलीज झाला. चित्रपटात तिच्या अपोजिट सिद्धांत चतुर्वेदी प्रमुख भूमिकेत आहे. 25 कोटी बजेटच्या तुलनेत हा चित्रपट फार कमाई करु शकला नाही.
मृणाल ठाकूरच्या अपकमिंग प्रोजेक्ट्सबद्दल बोलायचं झाल्यास ती लवकरच 'डकैत अ लव स्टोरी' नावाच्या फिल्ममध्ये दिसणार आहे. त्या शिवाय 'जवानी तो इश्क होना है' फिल्मचाही ती भाग असेल. 'पूजा मेरी जान' चित्रपटातही ती दिसेल.
त्या शिवाय ती AA22xA6 चित्रपटातही दिसेल. या फिल्ममध्ये तिचा कॅमियो असेल असं वृत्त आहे. डान्स नंबर ती करु शकते. ही एक साय-फाय मूव्ही असून अल्लू अर्जुन मुख्य भूमिकेत आहे. या चित्रपटाद्वारे अनुष्का शर्मा कमबॅक करणार अशी चर्चा आहे.
मृणाल ठाकूरने तिच्या करिअरची सुरुवात वर्ष 2014 मध्ये मराठी फिल्म 'हॅलो नंदन' द्वारे केली होती. त्यानंतर 2018 साली 'लव सोनिया' चित्रपटाद्वारे तिने हिंदीमध्ये डेब्यु केला. पण तिला खरी ओळख ऋतिक रोशनचा चित्रपट 'सुपर 30' मधून मिळाली.
