Marathi News Photo gallery Can action against donald trump can be taken for iran war and murder of ayatollah ali khamenei
Donald Trump : तर डोनाल्ड ट्रम्प थेट तुरुंगात? युद्धात ही एक गोष्ट घडताच अमेरिकेत उडणार खळबळ!
सध्या अमेरिका-इस्रायल आणि इराण यांच्यात युद्ध सुरू आहे. या युद्धात शेकडो लोकांचा मृत्यू झाला आहे. असे असतानाच आता ट्रम्प यांच्यावर कारवाई केली जाऊ शकते का, असे विचारले जात आहे.
इस्रायल-अमेरिका आणि इराण यांच्यातील युद्धामुळे संपूर्ण जग होरपळत आहे. भारतातून आखाती देशात निर्यात केल्या जाणाऱ्या खजूर, द्राक्ष, साखर, तांदूळ आदी गोष्टी बंदरावर पडून आहेत. या युद्धामुळे इराणमध्ये मोठी जीवितहानी होत आहे.
1 / 5
त्यामुळेच हे युद्ध लवकरात लवकर थांबायला हवे, अशी भावना जगभरातून व्यक्त केली जात आहे. अमेरिका आणि इस्रायलने केलेल्या हल्ल्यात इराणचे सर्वोच्च नेते अयातुल्लाह अली खामेनी तसेच माजी राष्ट्रपती महमूद अहमदीनेजाद यांचा मृत्यू झाला आहे.
2 / 5
या दोन बड्या नेत्यांसह तिथे शेकडो लोक मृत्युमुखी पडले आहेत. इराणला अणूबॉम्ब तयार करण्यापासून रोखण्यासाठी ही कारवाई करण्यात आली आहे, असे म्हणत अमेरिकेचे राष्ट्राध्यक्ष डोनाल्ड ट्रम्प या हिसांचाराचे समर्थन करत आहेत. असे असतानाच आता डोनाल्ड ट्रम्प यांच्यावर युद्धगुन्ह्याअंतर्गत कारवाई केली जाऊ शकते का? ते तरुंगात जाऊ शकतात का? असे विचारले जात आहे.
3 / 5
डोनाल्ड ट्रम्प यांच्यावर आंतरराष्ट्रीय गुन्हेगारी न्यायालय (आयसीसी) अंतर्गत कायदेशीर कारवाई केली जाणार का? त्यांना तुरुंगवास होऊ शकतो का? या प्रश्नांचे उत्तर शोधणे थोडे किचकट आहे. कारण अमेरिका हे आयसीसीचे सदस्य राष्ट्र नाही. त्यामुळेच डोनाल्ड ट्रम्प यांच्यावरील कारवाई ही आयसीसी अंतर्गत येत नाही.
4 / 5
परंतु संयुक्त राष्ट्राच्या सुरक्षा परिषदेने या युद्धाची दखल घेऊन ट्रम्प यांच्याविरोधात खटला उभारण्याची शिफारस केली तर ट्रम्प यांची चौकशी होऊ शकते. परंतु अमेरिका हा महासत्ता देश असल्याने या अशा प्रयत्नांना हानून पाडण्याची ताकद अमेरिकेत आहेत. तरीदेखील जगातील अनेक देश आणि मानवी हक्कासाठी लढणाऱ्या संघटनांनी आंतरराष्ट्रीय न्यायालयात दाद मागितल्यावर ट्रम्प यांची चौकशी होऊ शकते.
