मटण खाल्ले की होते भयंकर शिक्षा, भारतातलं अजब शहर जिथं हा नियम तोडला की थेट…
या शहरात मटण विक्री, चिकन विक्री केली तर कारवाई होते. विशेष म्हणजे कायद्यानुसार या भागाता मांसविक्री करणे गुन्हा आहे. हा गुन्हा केल्यास कठोर कारवाई केली जाते.
भारतात अनेक लोक आवडीने मांसाहार करतात. मांसाहार करताना अंडी, मटण आवडीने खाल्ले जाते. पण भारतात एक अजब शहर आहे. या शहरात तुम्ही मटण खाऊच शकत नाहीत. ही चूक केली तर तुम्हाला मोठी शिक्षा होते.
भारतात या शहारात मांस, मटण खाणे कायद्याने गुन्हा आहे. धार्मिक कारणामुळे हे शहर पूर्णपणे शाकाहारी आहे. नियम तोडल्यामुळे तुमच्यावर येथे कारवाईही होऊ शकते. हे शहर गुजरातमध्ये आहे.
या शहराचे नाव पालिताना असे आहे. भावनगर जिल्ह्यात हे शहर स्थित आहे. अंडी, मांस, मासे विकण्यास प्रतिबंध असलेले हे जगातील एकमेव शहर असल्याचे बोलले जाते. गुजरात सरकारने या शहराला अधिकृतरित्या शाकाहारी क्षेत्र घोषित केलेले आहे.
जैन संतांनी 2014 साली या शहरातील मांसविक्री बंद करावी, यासाठी आंदोलन केले होते. हे शहर जैन धर्मियांसाठी प्रमुख तीर्थस्थळ आहे, असे त्यावेळी सांगण्यात आले होते. या आंदोलनानंतर शहराच्या हद्दीत पशुचा वध, मासंविक्रीवर बंदी घातली.
तरीदेखील एखाद्या व्यक्तीने हा नियम मोडला तर त्या व्यक्तीवर दंड ठोठावला जाऊ शकतो. तसेच त्या व्यक्तीचा मांसविक्रीचा परवानाही रद्द केला जाऊ शकतो. या शहरात शत्रुंजय डोंगरात एकूण 800 पेक्षा अधिक जैन मंदीर आहेत.
