सणसणीत दोन कानाखाली द्याव्या…; ‘कोकण हार्टेड गर्ल’ आणि ‘छोटा पुढारी’ यांच्यात टोकाचा वाद
Ankita Prabhu Walawalkar and Ghanshyam Darade Argument : बिग बॉस मराठीच्या घरात स्पर्धकांमध्ये वारंवार वाद झाल्याचं पाहायला मिळतं. आता 'कोकण हार्टेड गर्ल' आणि 'छोटा पुढारी' यांच्यात वाद झाल्याचं दिसतं आहे. बिग बॉसच्या घरात नेमकं काय झालं? वाचा सविस्तर...
'बिग बॉस मराठी'च्या घरात सध्या दोन चिमुकल्या पाहुण्यांचं आगमन झालं आहे. हे चिमुकले पाहुणे घरातील सर्व सदस्यांना आपल्या तालावर नाचवताना दिसत आहेत. अशातच बिग बॉसच्या घरात वादाला तोंड फुटलं आहे.
कलर्स मराठीकडून 'बिग बॉस मराठी'चा नवा प्रोमो शेअर करण्यात आला आहे. यात चिमुकल्या पाहुण्यांसोबत घरातील 'छोटा पुढारी'देखील सगळ्यांशी पंगा घेताना दिसत आहे. 'छोटा पुढारी'च्या पंग्यामुळे घरात चांगलाच दंगा होणार आहे.
'बिग बॉस मराठी'च्या नव्या प्रोमोमध्ये अंकिता आणि धनंजय पोवार घन:श्यामबद्दल बोलताना दिसत आहे. अंकिता त्याला सांगते की, 'घन:श्यामला खरचं मला मारावसं वाटत होतं... त्याच्या एका शब्दावरही मला विश्वास राहिलेला नाही. त्याला धावताना पाहून त्याच्या दोन सणसणीत कानाखाली द्याव्याशा वाटत होत्या'.
घन:श्यामने 'बिग बॉस मराठी'च्या घरात काय कल्ला केलाय? हे आजच्या एपिसोडमध्ये पाहायला मिळेल. नक्की कशावरून या दोघांमध्ये वाद झालाय? अंकिता का चिडली आहे? हे आज कळणार आहे.
'बिग बॉस मराठी'चा तिसरा आठवडा आहे. या आठवड्यात बऱ्याच घडामोडी पाहायला मिळणार आहेत. कॅप्टन्सीचा गेम कोण जिंकतं? बिग बॉसच्या घराचा नवा कॅप्टन कोण होतं? हे पाहावं लागणार आहे.
