अमोल कोल्हे यांच्या ‘शिवपुत्र संभाजी’ महानाट्याचे ‘या’ शहरात होणार विनामूल्य प्रयोग
Amol Kolhe Shivputr Sambhaji Mahanatya Free Prayog : खासदार अभिनेते डॉ. अमोल कोल्हे यांच्या 'शिवपुत्र संभाजी' महानाट्याचे विनामूल्य प्रयोग होणार... कोणत्या शहरात होणार हा विनामुल्य प्रयोग? छत्रपती संभाजी महाराज यांचा जीवनावर आधारित हा प्रयोग कधी होणार? वाचा सविस्तर...
अभिजीत पोते, प्रतिनिधी- टीव्ही 9 मराठी, पुणे | 09 मार्च 2024 : लोकसभा निवडणुक पार्श्वभूमीवर डॉ. अमोल कोल्हे यांच्या 'शिवपुत्र संभाजी' महानाट्याचे विनामूल्य प्रयोग होणार आहेत. अमोल कोल्हे यांच्या लोकसभा मतदासंघात हे प्रयोग होणार आहेत.
छत्रपती संभाजी महाराज यांचा जाज्वल्य आणि तेजस्वी इतिहास उलगडून दाखविणारं 'शिवपुत्र संभाजी' महानाट्य पुणेकरांना पाहता येणार आहे. पुण्यातील हडपसर भागात या महानाट्याचे मोफत प्रयोग होणार आहेत.
'शिवपुत्र संभाजी' महानाट्यात खासदार डॉ. अमोल कोल्हे स्वत: छत्रपती संभाजी महाराज यांची भूमिका साकारतात. 'जगदंब प्रतिष्ठान'च्या वतीने हडपसरमध्ये तीन दिवस मोफत प्रयोग केला जाणार आहे.
'शिवपुत्र संभाजी' या महानाट्याचे तीनही दिवसांचे प्रयोग विनामूल्य आहेत. येत्या 9 ते 11 मार्च दरम्यान मुंढवा रेल्वे पुलाशेजारी सायंकाळी 6 ते 10 या वेळेत हे प्रयोग होणार आहेत. हा प्रयोग पाहण्यासाठी तुम्हाला कोणतंही शुल्क द्यावं लागणार नाही.
डॉ. अमोल कोल्हे यांच्या 'शिवपुत्र संभाजी' महानाट्याला प्रेक्षकांचा चांगला प्रतिसाद मिळतो. लोक या महानाट्याला गर्दी करतात. आता या महनाट्याचे विनामूल्य केले जाणार आहेत. लोकसभा निवडणुकीच्या पार्श्वभूमीवर सादर केल्या जाणाऱ्या या महानाट्याचा तुम्ही लाभ घेऊ शकता...
