जेव्हा अमोलची रिअल लाईफ आई ‘अप्पी आमची कलेक्टर’च्या सेटवर येते…
Sairaj Ganesh Kendre Photos With His Mother : 'अप्पी आमची कलेक्टर' ही मालिका प्रेक्षकांच्या पसंतीला उतरत आहे. या मालिकेतील अमोल हे पात्र साकारणारा बालकलाकार साईराज केंद्रे... साईराजची रिअललाईफ आई त्याच्या मालिकेच्या सेटवर आली होती. यावेळचे हे फोटो...
'आमच्या पप्पांनी गणपती आणला' या गाण्यावर एका चिमुकल्याने व्हीडिओ बनवला आणि तो महाराष्ट्रभर व्हायरल झाला. हा चिमुकला म्हणजे साईराज केंद्रे... साईराज या व्हीडिओमुळे प्रचंड व्हायरल झाला.
साईराज केंद्रेचे हावभाव आणि त्याच्या लुकने त्याला अल्पावधितच प्रसिद्धी दिली. साईराज सध्या झी मराठीवरील 'अप्पी आमची कलेक्टर' या मालिकेत अमोल हे पात्र साकारत आहे.
साईराजची रिअल लाईफ आई भाग्यश्री केंद्रे 'अप्पी आमची कलेक्टर' मालिकेच्या सेटवर आल्या होत्या. यावेळी त्यांनी या मालिकेतील कलाकारांची भेट घेतली. अप्पी अर्थात अभिनेत्री शिवानी नाईकसोबतच त्यांनी फोटो काढला.
'अप्पी आमची कलेक्टर' या मालिकेतील रूपाली ताई अर्थात अभिनेत्री सरिता नलावडे यांचीही भाग्यश्री यांनी भेट घेतली. याचे फोटो भाग्यश्री यांनी इन्स्टाग्रामवर शेअर केलेत.
झी मराठीवरील होम मिनिस्टर या कार्यक्रमातही केंद्रे कुटुंब सहभागी झालं होतं. साईराज, भाग्यश्री आणि गणेश केंद्रे यांच्यासोबत होम मिनिस्टर कार्यक्रमाचं शूटिंग झालं. अभिनेते आदेश बांदेकर यांच्यासोबतचा फोटो भाग्यश्री यांनी शेअर केलाय.
