शाहिद कपूरच्या बहिणीचा लग्नसोहळा; महाबळेश्वरमध्ये ‘या’ स्टारकिडशी बांधली लग्नगाठ
अभिनेता शाहिद कपूरची (Shahid Kapoor) बहीण सना कपूर (Sanah Kapur) नुकतीच विवाहबंधनात अडकली. शाहिद आणि त्याची पत्नी मीरा राजपूत यांनी या लग्नसोहळ्याचे फोटो सोशल मीडियावर पोस्ट केले आहेत. बुधवारी महाबळेश्वरमध्ये हा लग्नसोहळा पार पडला.
अभिनेता शाहिद कपूरची बहीण सना कपूर नुकतीच विवाहबंधनात अडकली. शाहिद आणि त्याची पत्नी मीरा राजपूत यांनी या लग्नसोहळ्याचे फोटो सोशल मीडियावर पोस्ट केले आहेत.
बुधवारी महाबळेश्वरमध्ये हा लग्नसोहळा पार पडला. सना ही पंकज कपूर आणि सुप्रिया पाठक यांची मुलगी आहे.
बॉलिवूडमधील प्रसिद्ध कलाकार सीमा पाहवा आणि मनोज पाहवा यांचा मुलगा मयांक पाहवाशी सनाने लग्नगाठ बांधली.
शाहिद आणि सनाने 2015 मध्ये प्रदर्शित झालेल्या 'शानदार' या चित्रपटात एकत्र काम केलं होतं.
शाहिदने सोशल मीडियावर बहिणीसोबतचा फोटो पोस्ट करत भावूक पोस्ट लिहिली आहे. 'वेळ कसा निघून गेला ते कळलंच नाही. आमची छोटी बिट्टो आता नवरी झाली आहे. एका सुंदर प्रवासाची भावनिक सुरुवात करण्यास ती सज्ज झाली आहे. मयांक आणि सना तुम्हाला खूप खूप शुभेच्छा', अशा शब्दांत शाहिदने भावना व्यक्त केल्या.
मोजक्या पाहुण्यांच्या उपस्थितीत हा लग्नसोहळा पार पडला. मीरानेही तिच्या इन्स्टाग्रामवर फोटो पोस्ट करत सना आणि मयांकला शुभेच्छा दिल्या आहेत.
लग्नसोहळ्यातील शाहिद आणि मीराचा खास लूक
