सोनाक्षी सिन्हाच्या लग्नाच्या विरोधात शत्रुघ्न सिन्हा, अभिनेत्रीकडून मोठा खुलासा
अभिनेत्री सोनाक्षी सिन्हा आणि अभिनेता झहीर इक्बाल यांच्या लग्नाच्या चर्चांनी सर्वत्र जोर धरला आहे. 23 जून रोजी दोघे लग्न करणार असल्याची चर्चा रंगली आहे. पण अभिनेत्रीच्या लग्नाला कुटुंबियांचा विरोध असल्याचं देखील सांगितलं जात आहे. पण लग्नावर कोणच अधिकृत घोषणा केलेली नाही...
सध्या सर्वत्र अभिनेत्री सोनाक्षी सिन्हा हिच्या लग्नाची चर्चा रंगली आहे. दरम्यान अभिनेत्रीची एक जुनी मुलाखत व्हायरल होत आहे. ज्यामध्ये अभिनेत्री म्हणाली, मी लग्न करावं अशी माझ्या वडिलांची नाही.
'जर मी माझ्या वडिलांचे ऐकलं तर, मी कधीच लग्न करणार नाही. पण माझी आई मध्ये-मध्ये बोलत असते. आता वेळ आली आहे. लग्न झालं पाहिजे. अशा वेळी मी फक्त आईकडे पाहाते. मला पूर्ण स्वतंत्र मिळालं आहे. ज्यासाठी मी आभारी आहे...'
'त्यांनी मला कधी कोणत्या गोष्टीसाठी अडवलं नाही. यासाठी मी त्यांची आभारी आहे. ते कधीच माझ्या डोक्यावर बसून लग्न कर असं म्हणणार नाही.' असं सोनाक्षी म्हणाली.
नुकताच शत्रुघ्न सिन्हा यांनी देखील लेकीच्या लग्नावर प्रतिक्रिया दिली. 'तिला लग्न करायचं असेल तर, माझा आशीर्वाद आहे. पण आताची मुलं पालकांना काही सांगत नाही..' असं देखील शत्रुघ्न सिन्हा म्हणाले.
सांगायचं झालं तर, सोनाक्षी - झहीर यांनी लग्नाबद्दल अधिकृत घोषणा केली नाही. पण रंगणाऱ्या चर्चांना फेटाळलं देखील नाही. सध्या सर्वत्र फक्त आणि फक्च सोनाक्षी - झहीर यांच्या लग्नाची चर्चा रंगली आहे.
