Shilpa Shetty | इंडस्ट्रीमध्ये असं काम करत शिल्पा शेट्टी हिने सावरलं स्वतःचं करियर
Shilpa Shetty | 'हे' काम केलं नसतं तर आहे फ्लॉप अभिनेत्री म्हणून असती शिल्पा शेट्टी हिची ओळख... अभिनेत्रीने असं केलं तरी काय, ज्यामुळे तिला मिळाली लोकप्रियता... सध्या सर्वत्र शिल्पा शेट्टी आणि तिच्या खासगी आयुष्याची चर्चा...
अभिनेत्री शिल्पा शेट्टी हिने आजपर्यंत अनेक सिनेमांमध्ये महत्त्वाची भूमिका साकारत चाहत्यांचं मनोरंजन केलं. एक काळ असा होता जेव्हा अभिनेत्रीचं करियर धोक्यात होतं. पण फक्त आणि फक्त एका महत्त्वाच्या गोष्टीमुळे अभिनेत्रीला स्वतःचं करियर सावरता आलं. नाही तर आज शिल्पा शेट्टी हिची ओळख फ्लॉप अभिनेत्री म्हणून असती.
शिल्पा शेट्टी फक्त तिच्या अभिनयामुळेच नाही तर, फिटनेसमुळे देखील चर्चेत असते. एवढंच नाही तर, अभिनेत्री चाहत्यांना देखील फिट राहण्याचं आवाहन करत असते. काही दिवसांपूर्वी शिल्पा 'सुखी' सिनेमामुळे चर्चेत होती. पण सिनेमा बॉक्स ऑफिसवर अपयशी ठरला...
शिल्पा हिने तिच्या करियरची सुरुवात 'बाजीगर' सिनेमाच्या माध्यमातून केली. बॉलिवूड शिवाय अभिनेत्रीने तामिळ, तेलुगू आणि कन्नड सिनेमांमध्ये देखील महत्त्वाची भूमिका साकारत चाहत्यांचं मनोरंजन केलं. अभिनेत्री सौंदर्यामुळे चर्चेत आली, पण तिचे सिनेमे सतत फ्लॉप होत होते.
एक वेळ अशी आली जेव्हा इंडस्ट्रीमध्ये टिकून राहण्यासाठी अभिनेत्रीने आयटम सॉन्ग करण्याचा निर्णय घेतला. 'यूपी बिहार' गाण्यावर भन्नाट डान्स केल्यामुळे अभिनेत्री प्रसिद्धी झोतात आली. गाण्याला प्रेक्षकांनी पसंती देखील दर्शवली...
तेव्हा सर्वत्र फक्त आणि फक्त शिल्पा शेट्टी हिच्या 'यूपी बिहार' गाण्याच्या चर्चा होत्या. पण अभिनेत्रीने केलेलं आयटम सॉन्ग 'धडकन' सिनेमाच्या दिग्दर्शकांना आवडलं नव्हतं. ज्यामुळे ते अभिनेत्रीवर नाराज होते. पण आज शिल्पा हिला कोणत्याही ओळखीची गरज नाही.
