PHOTO | Beauty tips: केसगळती आणि कोंडा यापासून सुटका देईल कढीपत्ता! जाणून घ्या सोपे घरगुती उपाय
थंडीच्या दिवसात केसांना कोरडेपणाचाही सामना करावा लागतो. त्यामुळे केसांमध्ये कोंडा किंवा गळती सुरू होते. तज्ज्ञांच्या मते, केसांमधील ओलावा टिकवून ठेवणे खूप महत्त्वाचे आहे. बऱ्याचदा लोक शॅम्पू किंवा इतर उत्पादनांद्वारे उपचार करण्याचा प्रयत्न करतात. या उत्पादनांमध्ये असलेली रसायने केसांना नुकसान पोहोचवू शकतात.
स्वयंपाकघरात असे अनेक पदार्थ आहेत, जे केसांची काळजी घेण्यासाठी खूप चांगले आणि प्रभावी मानले जातात. यापैकी एक म्हणजे कढीपत्ता. केसांसाठी याचा वापर फार कमी लोकांना माहिती आहे. कढीपत्त्याच्या मदतीने केसांच्या समस्यांवर उपचार करू शकता.
ज्यांना केस गळण्याची समस्या आहे त्यांनी कढीपत्ता आणि खोबरेल तेल मिसळून लावावे. यासाठी खोबरेल तेल घेऊन त्यात थोडी कढीपत्ता टाकून गरम करा. पाने काळी होईपर्यंत गरम करा. आता तेल थंड होऊ द्या आणि नंतर ते गाळून घट्ट डब्यात ठेवा. आठवड्यातून दोनदा या तेलाची मालिश केल्याने केसगळती कमी होते.
ज्यांना कोंड्याची समस्या आहे त्यांच्यासाठी कढीपत्त्याचा मास्क रामबाण औषधापेक्षा कमी नाही. यासाठी कढीपत्ता बारीक करून ही पेस्ट टाळूला लावा. साधारण अर्धा तास असेच सोडल्यानंतर सामान्य पाण्याने डोके धुवा. खूप गरम पाण्याने केस धुतल्याने केसांच्या इतर समस्या निर्माण होऊ शकते. केसांना कोंडा मुक्त करण्यासाठी हा सर्वोत्तम उपाय आहे.
केसांची वाढ सुधारण्यासाठी तुम्ही कढीपत्ता सोबत आवळा आणि मेथीचा वापर करू शकता. यासाठी कढीपत्ता, आवळा आणि मेथी दाणे यांची पेस्ट बनवा आणि ही पेस्ट केसांच्या मुळांवर लावा. सुमारे 30 मिनिटांनंतर ते धुवा. लक्षात ठेवा की धुण्यासाठी पाणी खूप थंड किंवा खूप गरम घ्यायचे नाही. त्यामुळे केसांच्या वाढीत फरक पडेल आणि ते निरोगीही राहतील.
जर तुमचे केस अकाली पांढरे होत असतील तर यासाठी कढीपत्तासोबत मेथी दाणे वापरा. एका पातेल्यात खोबरेल तेल घेऊन त्यात कढीपत्ता सोबत काही मेथीदाणे गरम करा. हे तेल थंड झाल्यावर गाळून डब्यात ठेवा. आठवड्यातून दोनदा या तेलाची मसाज केल्याने वयाच्या आधी केस पांढरे होण्याची समस्या दूर होते.
