Photo : वादळाची भीषणता, समुद्राच्या लाटा झेललेल्या ‘गेट वे ऑफ इंडिया’ परिसरातील फोटो
महाराष्ट्रामध्ये तौक्ते चक्रीवादळाने मोठा हाहा:कार माजवला आहे. रायगड, सिंधुदुर्ग, पालघर या जिल्ह्यांमध्ये मोठ्या प्रमाणात नुकसान झाले आहे.
पृथ्वी विज्ञान मंत्रालयाच्या आकडेवारीनुसार, भारतात 2019 मध्ये अरबी समुद्रात 5 चक्री वादळे आणि बंगालच्या उपसागरात 3 चक्री वादळे आली, त्यापैकी सहा तीव्र वादळांच्या श्रेणीतील होती. तर, 2020 मध्ये अरबी समुद्रात 2, बंगालच्या उपसागरात 2 आणि उत्तर हिंद महासागरात एक चक्री वादळे आली, त्यापैकी 5 तीव्र चक्रीवादळांच्या श्रेणीत होते. यावर्षी जून 2021 पर्यंत, अरबी समुद्र आणि बंगालच्या उपसागरात तीव्र चक्रीवादळाच्या श्रेणीतील प्रत्येकी एक वादळ धडली आहेत.
तौक्ते चक्रीवादळामुळे अरबी समुद्र खवळला होता. त्याच पार्श्वभूमीवर मुंबईतील परिस्थिती विषद करणारे अनेक व्हिडीओ आणि फोटो समोर येत आहेत.
एएनआयने ट्विट केलेल्या फोटोमध्ये मुंबईतील गेटवे ऑफ इंडिया परिसरातील चक्रीवादळाची स्थिती फोटो सांगत आहेत.
समुद्रातील पाणी थेट गेटवे ऑफ इंडियाच्या पायथ्यावर आदळत होते. सोमवारचं दिवसभरातील हे सर्वात मोठं आणि भयंकर असं वादळ होतं. त्यामुळे अनेक ठिकाणी झाडांची पडझड झाली आहे.
मुंबईतल्या समुद्र किनाऱ्याशेजारीच असणाऱ्या वानखेडे स्टेडियमला देखील वादळाचा फटका बसला. या वादळात स्टेडियमधील एक स्टँड कोसळलेलं पाहायला मिळालं तर एका साईट स्क्रीनचंही नुकसान झालं.
