Marathi News Photo gallery Donald trump warns iran will destroy you if disturb american navy blockade in strait of hormuz
नाकेबंदीकडे याल तर तुकडे करून टाकू, डोनाल्ड ट्रम्प यांच्या धमकीने जगात खळबळ, थेट इराणला…
अमेरिका आणि इराण यांच्यात पाकिस्तानातील इस्लामाबाद येथे बैठक झाली होती. परंतु ही बैठक निष्फळ ठरली. या बैठकीनंतर आता डोनाल्ड ट्रम्प चांगलेच आक्रमक झाले आहेत. त्यांनी थेट होर्मुझच्या सामुद्रधुनीत नाकेबंदी करण्याचा निर्णय घेतला आहे.
इस्लामाबादमध्ये इराणसोबतची बैठक निष्फळ ठरल्यानंतर आता अमेरिकेने आक्रमक पवित्रा धारण केला आहे. इराणने होर्मुझची सामुद्रधुनी खुली करावी यासाठी आता अमेरिकेने त्या परिसरात नाकेबंदी सुरू केली आहे. तसेच इराणला कोणत्याही देशाने टोल देऊ नये, असे आवाहनही अमेरिकेने केले आहे.
1 / 5
इराणने होर्मुझची सामुद्रधुनी बंद केल्याने आता अमेरिकन नौदल इराणसह इतरही देशांच्या बंदरावर नाकेबंदी करणार आहे. तसेच इराण कोणत्याही देशाचे जहाज रोखणार नाही, याची अमेरिकेकडून खबरदारी घेतली जाणार आहे. नाकेबंदीचा नियम इराणसह सर्वच बंदरांवर समान पद्धतीने लागू असेल असे अमेरिकेने स्पष्ट केले आहे.
2 / 5
दुसरीकडे इराणने मात्र अमेरिकेच्या या भूमिकेचा विरोध केला आहे. इराणचे लष्कर सल्लागार आणि रिव्होल्यूशनरी गार्डचे माजी कमांडर मोहसेन रेजाई यांच्या मतानुसार नाकेबंदीला विरोध करण्यासाठी इराणकडे अनेक महत्त्वाची शस्त्र आहेत. इराणनेही ही नाकेबंदी कायद्याला धरून नसल्याचे सांगितले आहे.
3 / 5
होर्मुझ सामुद्रधुनीतील नाकेबंदीवर बोलताना डोनाल्ड ट्रम्प यांनी आक्रमक भूमिका घेतली आहे. अमेरिकन नौदलाकडून घातल्या गेलेल्या नाकेबंदीला इराणी लष्कराने विरोध केल्यास सगळं उद्ध्वस्त करून टाकलं जाईल, असा इशाराच ट्रम्प यांनी दिला आहे.
4 / 5
त्यामुळे आता भविष्यात नेमकं काय होणार, याकडे जगाचे लक्ष लागले आहे. दुसरीकडे इराणने आणखी चर्चा करण्यासाठी सकारात्मकता दाखवली आहे. म्हणजेच भविष्यात पुन्हा एकदा अमेरिका आणि इराण यांच्यात चर्चा होऊ शकते, असा अंदाज व्यक्त केला जात आहे.
